حلت الفنانة المصرية رانيا_يوسف، ضيفةً على برنامج (أسألني)، عبر قناة (CBC)، وتحدثت عن حياتها الشخصية وهواياتها، والصعوبات التي واجهتها في مشوارها الفني، وغيرها من المواقف المختلفة.
إقرأ: نادين نجيم بالجاكيت بلا بنطلون؟ وكيف ردت – صورة
وهنا أبرز التصريحات التي أدلت بها رانيا:
-أول مهنة ليا في حياتي كانت بيبي سيتر للأطفال والحيوانات.
-عندي 3 كلاب وقطط كتير أوي لأنها قطط شارع.
-دور بطة في الحاج متولي أكتر دور عمل لي شهرة.
-مليش أي قرايب في الوسط الفني.
-أصعب دور قدمته في حياتي كان دور صافي سليم في أهل كايرو.
-أكتر مشهد أعدتُه في حياتي كان في فيلم ريجاتا مع محمود حميدة وأعدناه 26 مرة.
-اللي بيميِّزني عن غيري من الفنانات إني مجنونة.
-عندي فوبيا من الصراصير والفئران.
-بكون عِنَدية دماغي ناشفة على حسب الموقف.
-أكتر دور كنت أحب أعمله دور سعاد حسني في فيلم خلي بالك من زوزو.
-ظهرت في مسلسل السبع وصايا من غير أي مكياج.
-مبحبش في الرجالة البخل والكذب والخيانة وقلة المسؤولية وأن عواطفه تكون ناشفة.
-بقول لأي حد بيتعرض للتنمر اشتري دماغك.
-العلاقات في الوسط الفني مش دايمًا بتكون مجاملات.
-دايمًا الخلافات تكون بيني وبين والدتي وباحاول أصلح علاقتي بيها وأتفادى الأخطاء اللي بعدتني عنها مع بناتي.
-مبنشرش تفاصيل شخصية عن حياتي على السوشيال ميديا.
-أجمل صفة فيا إني مبكدبش وبعلم بناتي ده.
-لو هكون وجه دعائي لمنتج عالمي هيكون بيرفيوم.
-عندي أخ أصغر مني بـ3 سنين.
-محبش ولا أتمنى أكون راجل حتى لو ليوم واحد.
-لو مكنتش ممثلة كنت هحب أبقى بيبي سيتر لأني باحب الأطفال والحيوانات.