فاجأ الفنان المصري الشاب محمود المهدي، الجمهور وأعلن أن مكالمة هاتفية من نقيب الممثلين أشرف_زكي، لطليقته الممثلة منة_عرفة، كانت السبب في انفصالهما!
كتب محمود عبر صفحته:
(في كم حد لقيته باعت إني خدت منة واشتهرت، لو تفتكروا، في البداية كنت رافض أننا نعلن عشان مايتقلش كدة، لحد ما ينزل الفيلم، واتسربت الصور، وطبعا دلوقتي بهد اللي حصل عملوا لي مشاكل، أنا دافعت عنها لما جت سيرتها، ولم رديت على كبيرهم وقولت الحقيقة حصل اللي حصل، لو أنا حابب اشتهر كنت عملت زي الأغلبية).
تابع: (كبيرهم كان سبب كبير في الانفصال، كنت بجانبها عندما تلقت اتصالا من هذا الشخص، الأيام اللي جاية هيتم توضيح بعض النقاط من المكالمة، وأتمنى الخير لأي حد كان في حياتي).
وعن موقف منة عرفة من انفصالهما، قال محمود المهدي: (منة أكتر واحدة وقفت معايا، واللي حصل ظروف خارجة عن إرادتها، وأي حد لو عرف هيعذرها، هي ملهاش ذنب في اللي حصل الموضوع بيني وبينه).
منة انفصلت عن محمود بعد هجومه الشديد على كل من إلهام_شاهين، ونقيب المهن التمثيلية أشرف_زكي.
وجدت منة أن سلوكيات المهدي أدخلتها في العديد من المشاكل في الوسط الفني، وهو الأمر الذي أزعجها كثيرًا خصوصًا أنها تحب الفن ولا تفكر في ترك المجال أبداً.
اقرأ: منة عرفة بفستان مفتوح وهل يليق بها؟ – صورة
قصة هجوم المهدي على أشرف زكي وإلهام شاهين:
كان الدكتور أشرف زكي نقيب المهن التمثيلية، انتقد محمود المهدي زوج امنة بعدما هاجم الأخير الفنانة إلهام شاهين.
دافع زكي عن إلهام قائلاً: لن نترك أحدا يهين فنانا وينال من سمعة الناس.. واحد نكرة كاتب على نفسه فنان بيشتم فنانة كبيرة.. وبقوله أنت منتحل صفة فنان، مفيش فنان أيها النكرة قليل الأدب.. بقينا مادة ثرية لكل من يبحث عن الشهرة.
محمود المهدي لم يصمت ورد سريعاً على هجوم النقيب قائلًا: “معلش والله أنا نكرة بس راجل الحمد لله وعندي وش واحد مش فنان وطبال هي الأصوات دي فين لما الفنان محمد صبحي اتشتم عيني عينك ولا عشان أنا معنديش رز”.
كما توعد النقيب بمقاضاته، وقال: (هيتم أخذ الإجراءات القانونية من شخص مفروض قدوة للفن والممثلين).
وأضاف: (ومفيش حد فوق القانون، وللأسف مافيش حد هيقف معايا في ده عشان المصلحة بس الحمد لله الأهم من كل ده ربنا معايا، وعمري ما هسكت لما أشوف حاجة غلط).
كان الفنان المصري محمود المهدي، رد على تصريحات الفنانة المصرية الكبيرة إلهام شاهين، عن زوجته الفنانة منة عرفة، بعدما هاجمتها بسبب رفضها اداء مشاهد رومانسية.
كتب المهدي عبر صفحته: (كان في حد من الوسط الحلو ده بيقول اللي مش عايز مشاهد البوس مايشتغلش).
تابع: (معلش حد يتجوزها ونخلص،بعد كدة هتغتصب الرجالة).
شاهين قالت خلال لقائها ببرنامج (حبر سري)، الذي يعرض على شاشة “القاهرة والناس”: (مبقاش في مشاهد ساخنة في السينما، أي بقا اللي موجود دلوقتي اللي هما بيرفضوا اللي أنا سمعتوا وقريتوا، أن واحدة واقعة على الأرض ومغما عليها، أو دكتور يمسك إيدها يقسلها النبض، لو قالت محدش يمسك إيدي يقسلي النبض، طيب المخرج يعمل إيه، متشتغليش).
وأضافت قائلة: (مثلا منة عرفة ومحمد نجاتي، يعني أيه وقعت على الأرض فالمفروض يشيلها، فا لامحدش يلمسني، دا دكتور بيقيس النبض بيشوفك عايشة ولا ميتة، دا مينفعش).