حلت المذيعة المصرية مها الصغير ضيفة على قناة CutheCrap عبر يوتيوب، وتحدثت عن تفاصيل تخص حياتها الزوجية مع زوجها الفنان أحمد_السقا.
كشفت مها عن مفاجأة كبيرة عن حياتها الشخصية، وهي انفصالها مرتين عن زوجها أحمد السقا.
اقرأ: أحمد السقا وابنه عندما كان طفلًا! – صورة
قالت مها في حديثها: (اتجوزت بدري أوي، كان عندي 20 سنة وشايفة ده سن صغير، وأنا والسقا اتجوزنا واتطلقنا ورجعنا واتطلقنا تاني ورجعنا).
وأضافت: (في ناس كتير مش عارفة إننا اتطلقنا قبل كده، ولما بقول كده الناس بتتصدم، مع أن في مراحل بيبقى أسلم حل هو الطلاق لينا ولعيالنا).
وعن أسباب المشاكل الزوجية، أضافت: (أبويا وأمي كانوا بيدعموني دايمًا في حياتي وكان بيقولوا إن البنت زي الولد، لكن معرفش ليه الراجل بيتحول بعد الجواز لسي السيد، رغم إن البنت عندها طموح زي الراجل، وعندي أحلام إني أشتغل زي ما هو بيشتغل، ويمكن ده حصل لأننا اتجوزنا صغيرين أوي).
وتابعت: (في بداية الزواج كنت مطيعة جدًا لكن كان هناك صراع بداخلي، أي أني كنت مطيعة جدًا لكن كانت جوايا خناقة، عارفة لما تكوني بتحبي حد أوي فبتبقي ضايعة، وكنت دايمًا بسكت علشان أتفادى الخناقات).
اقرأ: أحمد السقا: (لا للتنمر) وغادة عبد الرازق: (ما تتعبش نفسك)! – صورة
وعن سبب أول طلاق، قالت: (كانت هناك مشاكل كتيرة أوي، وعملت وقفة لأني كنت بسعى لإرضاء الآخر دايمًا، وفي الآخر محدش بيرضى وبيدوسوا عليكي أكتر، وده كان بعد ما خلفت أولادي التلاتة، ووقتها حصلت خلافات بيني وبين أبويا، رغم إنه كان هو اللي بيدعمني في البداية، وحصل الطلاق الأول لأني كنت فعلا بعاني).
أحمد السقا تزوج من مها الصغير في عام 1999، بعد قصة حب كبيرة، وأنجبا ثلاثة أبناء هم حمزة ونادية وياسين، وظهروا سويًا لأول مرة في مهرجان الجونة السينمائي، في أكتوبر الماضي.