رحلت عن عالمنا في الساعات الأولى من فجر يوم الخميس ٦ يناير/كانون الثاني، الفنانة المصرية مها أبو عوف.
مها توفيت بعد اصابتها بالتهاب رئوي، وكانت تعاني منذ سنوات من اصابتها بسرطان الرئة.
ونعت نقابة المهن التمثيلية الراحلة في بيان جاء فيه “:تنعى نقابه المهن التمثيليه وجموع الفنانين الفنانه الغاليه مها ابوعوف وانا لله وانا اليه راجعون،صلاه الجنازه ظهرا مسجد الرحمن الرحيم صلاح سالم”.
وقال نقيب المهن التمثيلية أشرف_زكي: “مها ابو عوف كانت تعاني من مرض سرطان الرئة؛ وتدهورت حالتها في منذ أيام ونقلت علي إثرها المستشفى”.
أضاف: “ومكثت مها ابو عوف في العناية المركزة ؛ حيث تم تشخيص حالتها بانه التهاب رئوى حاد وهي من أعراض سرطان الرئة”.
اختتم: “تدهورت ساعتها في الساعات الأخيرة حتي فارقت الحياة”.
كان المخرج عمرو عرفة أعلن عبر صفحته خبر وفاة الفنانة مها أبو عوف، اليوم الخميس 6 يناير عن عمر يناهز 65 عامًا.
ونشر عمرو عرفة، صورة للفنانة مها أبو عوف، وكتب في تغريدة له عبر تويتر: (الحنون .. ام شريف في جنة الخلد بإذن الله .. ادعوا لها .. الفاتحه مها ابو عوف).
مها لديها ابن واحد يدعى (شريف)، وكانت روت قصة معاناتها مع عدم الانجاب لمدة ١٥ سنة بعد زواجها
إقرأ: ابنتا أحمد زاهر كيف كبرتا معه؟ – صور
قالت مها في لقاء مع النجمة إسعاد يونس، عبر قناة (DMC):
(١٥ سنة و انا بلف علي الدكاترة عشان احاول اخلف … لفيت العالم روحت ايطاليا و امريكا و سويسرا و فرنسا و دول تانية كتير … ده انا حتي حاولت اعمل اطفال انابيب بس للاسف حتي دي منفعتش و الدكاترة في الاخر نصحوني اني انسي موضوع الحمل خالص … فكرت اتبني طفل مع اني كان نفسي في حاجة مني حتة مني قالولي في امريكا هنشيل لك الرحم عشان ميحصلش حمل كاذب و ده فعلا مرض حقيقي و مش سهل و مع ذلك رفضت و بعدها رجعت علي مصر و سلمت امري لله و قولت لنفسي خلاص ده قدر ربنا و مكتوب و ربنا مش كاتبلي اني ابقي ام و اخلف).
تابعت: (لحد ما يوم حسيت بمغص جامد اوي و تعبت بس ساعتها كبرت دماغي مهتمتش .. و لما لقيت الوجع زاد روحت المستشفى و بعد ما الدكاترة كشفو عليا لقيتهم في حالة ذهول و علامات التعجب علي وشهم و طلبو مني تحاليل انا كل اللي جه في دماغي ساعتها انهم لقو حاجة وحشة لقدر الله بس بعد شوي لقيت الدكتور جاي بيقولي مبروك انتي حامل).
اضافت: (طبعا انا مصدقتش نفسي من الفرحة و مكنتش مصدقة وداني … لقيت الدكتور بيكررها لي … ايوة زي ما سمعتي انتي حامل … جاتلي حالة فرح هستيري …كان ساعتها معايا ولاد اختي من كتر الفرحة نسيتهم في المستشفي و جريت علي بيت اختي افرحها .. بعد ما روحت لها بشوية بتسالني فين الولاد قولتلها نسيتهم هناك و لما رجعنا تاني المستشفي عشان نجيبهم لقيت الدكتور بيقولي جملة عمري ما هنساها ابدا … قالي انتي علمتيني مقولش لواحده انها مش هتخلف ..و فعلا اذا اراد الله شيء قال له كن فيكون).