ردت الفنانة المصرية القديرة سميرة عبد العزيز، على سخرية الفنان المصري محمد_رمضان منها، بعدما تراجعت عن تصريحاتها وقبلت العمل معه وتجسيد دور والدته.
قالت سميرة في تصريح مصور إنها تعتبر سخرية رمضان منها (طيش شباب)، وتابعت قائلة: (انا لما اعترضت اني امثل دور والدته، كان اعتراضي على النص، لأنه النص كان فيه أني أمثل دور أم بلطجي، وقولت لأ انا ماعملش أم لبلطجي، واعتذرت).
اضافت: (وبعدين جت صحافية وسألتني طيب لو النص كويس تعملي اية؟ قولتلها اوافق انا علاقتي بالنص).
اختتمت قائلة: (هو اخد الحتة دي وقال انا يتيم، يعني انا مش موجودة، شاب ربنا يوفقه في حياته ويكرمه وانا لا تعليق على اللي قاله).
كان الفنان المصري محمد_رمضان، سخر من تراجع الفنانة سميرة عبد العزيز عن رأيها، واعلانها عن رغبتها التمثيل معه بعدما كانت رافضة ذلك نهائياً.
كتب رمضان عبر صفحته: “يااااه أخيراً يا أستاذة أنا قلبي هيوقف من الفرحة.. بس للأسف فيلمي القادم طالع فيه يتيم”.
كانت الفنانة سميرة عبد العزيز هاجمت الفنان محمد رمضان، واعلنت رفضها التام المشاركة معه في أي عمل تمثيلي.
سميرة عادت وتراجعت عن تصريحاتها واكدت الآن إنها لا ترفض العمل مع رمضان، وذلك بعد انتقادها أعماله الفنية في الفترة الماضية، حيث أكدت أنها ترفض المشاركة في عمل فني غير هادف، ولكن ليس العمل مع رمضان لشخصه.
اوضحت سميرة عبد العزيز قصدها وقالت: أنا لا أرفض العمل مع محمد رمضان، ولا يوجد بيننا عداء، لكن أرفض نوعية الأعمال التي يقدمها، وكل فنان يقدم فن هابط، أو به بلطجة ويساعد على إفساد شباب المجتمع أرفضه رفضًا تامًا.
وتابعت: اعترض على نوع المسلسل، وده من حقي، لكن معنديش حاجة ضد رمضان، ولما اعترضت على أني أكون والدته في عمل فني، فده لأن العمل مكنش عاجبني، ولو النص محترم كنت هوافق.. فأنا لا بجري ورا فلوس ولا شهرة.
وكانت الفنانة سميرة عبد العزيز اعلنت خلال تصريحات صحفية مؤخرًا عن تعرضها للإهانة من الفنان محمد رمضان بعد رفضها دور والدته في أحد الأعمال الفنية التي قام ببطولته وقالت: “فضحني لما رفضت أعمل أمه، وفي ناس شتموني وأنا ماتكلمتش، لكن هو قل أدبه وقال لي يا شحاتة أنا باخد ٢٠ مليون وإنتي بتاخدي ٢٠ ألف جنيه”.
اقرأ: القضاء يلزم محمد رمضان بدفع ٦ مليون جنية!
وعن سبب عدم مقاضاته، قالت سميرة: (لا مش للدرجة دي.. أكيد مش هروح أعمل فيه محضر علشان شتمني المسامح كريم ومحمد زى ابني علشان كدا أنا مسمحاه وإحنا الكبار لازم نسامح ونستحمل).
وتابعت قائلة: (والله أنا ما أعرفه وعمرنا ماتقابلنا ولا عمري شوفته ولا حتى جمع بينا شغل، الحاجة الوحيدة اللي حصلت إنه أتعرض عليا دور معاه في عمل ورفضته لكن مفيش بينا أي أعداء أو خصومة).
اختتمت حديثها: (ربنا يسامحه وأنا مسمحاه وربنا يوفقه ويعمل أدوار حلوة وأنا مش زعلانة منه خالص).
رمضان كذب سميرة، وأطل في فيديو وقال: (حق الرد في قصة الأستاذة سميرة عبد العزيز، الكلام اللي قالته الأستاذة لم يحدث على الإطلاق، وعمري ما كلمت حد أكبر مني بالطريقة اللي الأستاذة قالتها دي، وأني أكلمها وأقول أجرها كام وشحاتة، أنا عمري ما اتكلمت مع حد أكبر مني بالأسلوب ده، وعمري في حياتي ما اتكلمت في التفاصيل دي).
أضاف: (أكتر شيء أسعدني إني من قبل ما أعمل التكذيب ده وجمهوري مصدقش، دي أكتر حاجة أسعدتني جدا، ده توضيح ومنتظر رأيكم في أغنية (ثابت)، ثقة في الله نجاح دايما، وربنا يكفينا شر كل حاجة وحشة).
https://www.instagram.com/p/ChINLKTKIKr/