أعلن محمد عبد الوهاب شقيق الفنانة شيرين_عبد_الوهاب، أنه بصدد مقاضاة فتاة تزعم بأنها أختهما من الأم، كما عبر عن غضبه من الأقاويل المنتشرة عن دخول شيرين بعلاقة عاطفية مع طبيب مصري يدعى تامر سليم.
كتب محمد عبد الوهاب عبر صفحته: “حسبي الله ونعم الوكيل.. أهو زي ما أنتوا شايفين كده ناس مريضة وحقوده ومقرفة وغلاوية وبلاوي بتتحدف علينا، وناس أقسم بالله ولا لينا علاقة بيهم مستنقع قذارة”.
وأضاف محمد عبد الوهاب معلقاً على علاقة شقيقته بالطبيب تامر سليم بعد انفصالها عن حسام حبيب: “خلصنا من لوسي جابتلنا توتي وناس ولا تعرفنا تطلع تقول علينا كلام كله افترى، ما يعلم بيه إلا ربنا ودلوقتي واحدة بتقول أنها أختنا من الأم وبكره واحدة تانية من الأب، وشوية ونلاقي أخواتنا في الرضاعة كمان، ما هي هيصة بقى ومش هنخلص”.
كان محمد عبد الوهاب، شقيق الفنانة المصرية شيرين عبد الوهاب، علق على خبر انفصالها عن زوجها الفنان حسام_حبيب، موضحاً عدة أمور، أهمها أنه يتمنى لها كل الخير لكن لا تواصل بينهما.
كتب محمد عبر صفحته:
(والله ولا كنت عايز اعلق على الموضوع اساساً ولا عايز أصلا يبقي ليا علاقة باي حاجة أنا بس المعلومة عندي من يومين و حبيت بس أكد و افرح جمهورها والناس اللي بتحبها فقط ومن كتر التليفونات والرسايل من السادة الصحفيين اللي حقيقي بجد مزعجين جدا وانا مليش اي علاقة ولا قريب ولا عايز الحقيقة بحبها اوى روحي وعمرى واختي الكبيرة وتاج راسي وخيرها عليا ولحم كتافي من خيرها وامي التانية بعد امي وباذن الله هترجع تاني تكسر الدنيا وتمتعنا بفنها و غناها وصوتها و احساسها اللي مفيش زيه في الكوكب كله وبتمنالها كل خير من كل قلبي وتاخد بالها من ولادها سندها في الدنيا ونور عنيها).
اقرأ: نضال الأحمدية: شيرين متى أدمنت؟ لماذا هرب حسام حبيب؟ وماذا عن حذاء محمد صلاح؟ – فيديو
تابع: (بس كل ده ممكن يحصل وانا بعيد في حياتي وهي في حياتها وحياة امي بحبها اوى بس والله الطاقه اللي عندي يدوب علي قد شوية الأمراض اللي جتلي والحمدلله على كده وارجو من السادة الصحافيين فضلاً وليس امراً أنا والقران والانجيل والتوراة مليش علاقة باي حاجة اتمني تسبوني ارجع شخص عادي ملوش علاقة غير بنفسه وبس شكرا).