أطلت الفنانة المصرية شيرين_عبد_الوهاب، عبر مداخلة هاتفية مع المذيع المصري عمرو_أديب عبر برنامجه (الحكاية)، الذي يعرض على شاشة MBC مصر.
اعلنت شيرين لأول مرة عبر البرنامج عن عودتها لطليقها حسام_حبيب عقب خروجها من المستشفى بعدما تعالجت فيها لمدة أسبوعين.
قالت شيرين مع عمرو_أديب:
(أنا زي البومب وحلوة خالص، في حد يبقى بيحبه ناس كتيرة كده وشعوب في وسط مشاكلهم فاكرني، ربنا مايحرمنيش منكم).
تابعت: (لسة بخضع لعلاجي النفسي اللي بخضع له من ساعة ما خلفت مريم وهنا، انا مش محتاجة دلوقتي أي رعاية طبية وباين على صوتي بقى).
ووجهت رسالة للجمهور: (أنتوا تعبتوا فيا وتعبتوا عشاني وممتنة لكل الحب ده، وبشكر كل اللي قال كلمة حلوة او وحشة لان اللي قال كلمة وحشة كان مضايق عشاني).
عن فترة علاجها قالت: (كانت أيام صعبة عشان انا اتاخدت على خوانة، لما صحيت في المستشفى قولت انا قاعدة في مكان أمين وكل الناس اللي فيه بتحبني وخايفين عليا وباكل احسن اكل وبنام احسن نومة، اية المانع اللي ماستفيدش باللحظة اللي بقضيها هنا وارتاح شوية وفعلا عملوا لي شيك اب لكل حاجة وكانوا مدلعيني وانا بقيت احسن).
اضافت: (أنا بشكر محمد سيد عبد الوهاب أنه عرفني بالمستشفى المحترمة دي وعلموني انام بدري واصحى بدري وبشكر صحافة بلدي وصحافة الوطن العربي كله).
استكملت: (هتنازل عن اي بلاغ في حق محمد سيزب عبد الوهاب لاني ماقدرش اعمل كده انا شيرين اللي قلبها متسامح وانا بخف كده ولا يمكن ارضى لأمي انها تبات يوم واحد باكية على مخدتها عشان ابنها وبنتها في خلاف).
اعلنت زواجها قائلة: (تم كتب كتابي على حسام وعايزة اقول للناس يدعوا لي كتبنا الكتاب امبارح الساعة ٩ بليل بحضور اقرب المقربين ليا).
واعتذر له قائلة: (بعتذر لحسام عن اي كلام صدر مني في حقه في يوم من الايام، ومن النهارده انا بقفل الباب على حياتي الخاصة وبطمن الناس عليا اني في عصمة راجل طيب جدا وحاميني من البداية ولو طلعت في يوم وقولت كلام عنه وحش قبل كده فا ده شيطان واحنا كان معمول لنا حاجة عشان تبعدنا عن بعض).
ووجهت رسالة لجمهورها: (سيدنا محمد الناس اختلفت عليه ومافيش حد الناس بتتفق عليه، حبي من الاول لحسام كان مبني على المشاعر، لكن بوعد الناس اني في امان وكل الناس ظهر وسند ليا وحسام طيب وحضرتك عارفة وعارف عيلته وعارف انهم ناس طيبين جداً، وعايزة اقفل صفحة حياتي الشخصية مع حضرتك النهارده واتكلم في الشغل والاغاني بعد كده وبس).
استطردت: (بعتذر لأي شخص زعلته في يوم من الأيام، وانا وحسام دلوقتي هننزل ناكل في اي مكان في الشارع براحتنا وبصراحة حسام هو اللي اقنعني).
اختتمت كلامها موجهة رسالة شكر للزميلة نضال_الأحمدية وقالت: (عايزة اشكر الاعلامية نضال الأحمدية لأن الحقيقة النهارده الصبح هي اول من سمعتني وعرفت الخبر واتكتمت عليه ومانشرتهوش، وباركت لنا وبعتت لنا ورد، لما قعدت وسمعت اتبسطت اوي ودعت لنا ودعت لحسام وقالتله انا زعلانة على سوء التفاهم اللي حصل ده).
ليتدخل أديب قائلاً: (الحمد لله ان نضال مانشرتش الخبر دي كانت ممكن تودينا في داهية لو نشرته، بس نضال كان ليها رأي معين في موضوع الجواز). لترد شيرين: (بس ماكنتش عارفة حاجة ولما عرفت باركت لنا).
يأتي هذا بعدما اصدرت شيرين_عبد_الوهاب، بياناً صحافياً نشره محاميها، تعلن فيه استعدادها لمقاضاة شقيقها محمد عبد الوهاب.
اقرأ: ابنة شيرين توضح حقيقة تعرضها للضرب!
وهنا ننقل إليكم البيان الذي اصدرته شيرين وما جاء فيه حرفياً:
اقرأ: والد حسام حبيب هل لمّح لعودة ابنه لشيرين؟ – صورة
(نقلاً عن الفنانه شيرين عبدالوهاب ورغبةً منها لبيان الحقيقة كامله للرأي العام وتفنيداً لما ورد من شائعات وأخبار على لسان مدير أعمالها السابق المدعو/ ميمي فؤاد الذي تم إنهاء عمله من جانب الفنانه لعدم قيامه بالدور المطلوب منه طوال الفترة السابقة فإن الفنانه تعلن وتؤكد أن كل هذه الأخبار المتداولة مجرد شائعات مغرضه ولا أساس لها من الصحة وأنها تعرضت لمؤامرة كبيرة أحد أطرافها شقيقها المدعو محمد عبدالوهاب
وبعض المقربين لها حيث قام شقيقها بضربها وسحلها مستخدما سلاحًا في مواجهتها لارهابها وترويعها مع مجموعة من الاشخاص اصدقاءه وذلك ثابت بتحقيقات النيابة العامة حيث وجهت الفنانه له إتهام صريح بذلك بالإضافة لإتخاذ إجراءات قانونية تجاهة عن واقعة السب والقذف التي ذكرت علي لسانه مع الاعلامي عمرو_أديب)
اقرأ: مدير أعمال شيرين المحترم يتركها! – خاص
وأضاف البيان: (وتعلن الفنانه أنها لن تتوانى لحظه عن مقضاة أي شخص كائنا من كان يسىء لها أو لسمعتها وأنها كلها ثقة في النيابة العامة والقضاء المصري في إستعادة حقوقها وما تعرضت له من مؤامرة مغلفة بدافع الإخوة والشفقة وهذا بعيد كل البعد عن الحقيقة حيث ان هناك تقارير طبية في تحقيقات النيابة العامة تثبت صحة أقوالها وأنها في هذه الفترة الحالية متفرغة تماماً لأعمالها الفنية تاركه أمور التقاضي لمكتبنا بشأن متابعتها ومتابعة الإجراءات القانونية وأخيراً تؤكد الفنانه بأنها خرجت من المستشفى بصحبة محاميها الخاص استقلت معه سياراته وتوجهت الي منزلها ولا صحة لما يتم تداوله خلاف ذلك)