اوضحت ريم طارق طليقة مطرب المهرجانات حسن شاكوش، حقيقة كشفها عن وجود علاقة تربط طليقها والفنانة حورية_فرغلي أثناء زواجهما.
وقالت ريم طارق خلال لقائها مع المذيعة مروة صبري ببرنامج “قعدة ستات” المذاع على شاشة “القاهرة اليوم”:أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه.
وأما عن تقديمها اعتذارًا للفنانة حورية فرغلي، فأكدت ريم طارق أنها لن تعتذر لها: حورية فرغلي قالت أني مذكرتش اسمها وأني قولت حرف بس، وهي مش زعلانة وانا مجبتش سيرتها، ومش هعتذر لأني مقولتش مين الشخصية.
اقرأ: ابنة منى زكي تشاركها في حملة ضد التنمر – فيديو
أما عن سبب سجودها في حفل زفافهما، ذلك الموقف الذي أثار جدلًا واسعًا على مواقع التواصل الاجتماعي حينها، قالت ريم طارق: “مكنش في صحفيين في القاعة غير والدتي ووالدي ومنسقة الحفل، ومعرفش الصورة طلعت برا القاعة ازاي ومطلبتش من حد أنه يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي”.
وتابعت ريم طارق: مقصدتش أعمل تريند ولا حسن طلب مني ومكنش موجود أصلا، أنا عملت الحركة دي عشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن.
برنامج “قعدة ستات” تقدمه المذيعة مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.