تهتم الممثلة السورية كندة حنا، بالتواصل مع جمهورها عبر السوشيال ميديا بشكل مستمر، وكثيراً ما تفتح قلبها وتتحدث عن الصعوبات التي تواجهها في عالم التمثيل.
كندة كتبت جملة مطولة عبر صفحتها، تحدثت فيها عن أسباب نجاح الأعمال التمثيلية، وانتقدت الأساليب التي يتبعها بعض الممثلين في الآونة الأخيرة من نفاق وأنانية وكره للعمل الجماعي.
كتبت حنا: (أحيانا كتير بينقدونا وقت نكون إيجابين زيادة، وبيقولو إنو ما في حدا إيجابي لهالدرجة، هاد الحكي صح ومنطق، وما فيك ما تكون إيجابي وخصوصا وقت بكون الكل حواليك سلبي، والكل عندو الـ أنا عالية جدا، وما حدا عم يشوف إنو النجاح نتيجة عمل مجموعة بغض النظر عن خبراتهن).
تابعت: (النجاح بيتطلب احترام أفراد أي عمل لبعضهن، ويكون في حق لكل شخص يعبر عن أفكاره حتى لو كانت بتعارض الشخص الآخر، الاحترام إنك تتقبل النقد وإذا ما عجبك مو ضروري يكون ناتج عن كره أو حقد أو لأنو في حدا عم يحطم فيك، لا النقد والحوار هو سبب في نجاح أي عمل، بس للأسف وللمرة الأولى بقول أنا بلشت بزمن كنت بين أيادي أمينة كنا نسمع ونتعلم من خبرات الأكبر منا، أما اليوم صار أغلب الناس بتعطي أدنها للحكي والبلبلة والمهم معاد هو الشغل).
اختتمت كلامها: (وأدي تكون ملتزم بعملك لا، اليوم الشاطر هو لي بمسح جوخ، وبيحكي كلام ملعوب بتسمعو شي بس هو بكون عم يقصد شي تاني، وقت بعتزر عن عمل مو لأنو ما بدي اشتغل، بس صار العمل بظروف صحية وحقيقة مع كروب من الممثلين كلهن جاين يشتغلو ويعملو شي حلو صار نادر، لما نحب بعض ونحترم الاختلاف بيناتنا ونتعامل مع بعض على أساس الاختلاف باحترام وقتها رح نقدر نعمل شي نرتقي فيه لمستوى المشاهد لي بدو يشوفنا ويصدقنا).
لا نعرف لماذا كل هذا الخطاب الذي وجهته حنا لشخصيات سرية إذ لا يعني أحدًا ما قالته سوى من أرادت أن تقول لهم كلامًا لا تستطيع أن تقوله بوجههم!