منذ 3 سنوات رزقت الفنانة المصرية لارا سكندر، بابنتها الأولى، واعلنت الخبر بنفسها من خلال السوشيال ميديا، لكنها طلبت من جمهورها احترام خصوصية حياتها الشخصية.
نشرت لارا فيديو من جلسة تصوير أجرتها لصالح مجلة Marie Claire، وعلقت: “٢٠٢٠ كانت سنة كلها أحداث غريبة و ما كانتش سهلة على ناس كتير ، وأنا واحدة منهم. بس في بدايات السنة اكتشفت إن ربنا بعتلي هدية و نعمة ملأتني بالأمل. كنت دائما عارفة إني مش هأعلن الخبر إلا في الوقت المناسب لأن ما فيش حاجة أكتر قدسية من إن إنسان صغير يكون بيكبر جواك. والوقت المناسب هو دلوقتي”.
وتابعت: “مش قادرة أشرح كم المشاعر اللي حاسة بيها، بس ممكن أقول إن قمة السعادة و الفرح (مع شوية تعب و إرهاق) مش تعبيرات كافية لإحساسي دلوقتي، دائما بحاول أشارككم أخباري على قد ما أقدر، بس دائما برضه باحرص على ان تكون في حدود ثابتة لما تكون الأخبار متعلقة بحياتي الشخصية و حياة عائلتي. ودلوقتي وأنا بابدأ حياتي الجديدة كأم، باسألكم إنكم تتفهموا إني هافضل متمسكة بالحدود دي ومتمسكة بخصوصية حياتي و حياة عائلتي و أتمنى انكم تتمنولنا السعادة في حياتنا الجديدة، أنا مبسوطة جدا إني بشارككم الخبر ده، حتى لو كان متأخر ب٩ شهور”.
)
