وجهت الفنانة المصرية ليلى_علوي، رسالة دعم للنجمة المصرية شيرين_عبد_الوهاب، في ظل محنتها الحالية، وعلاجها داخل مستشفى للأمراض النفسية.
كتبت ليلى في رسالتها:
(شيرين عبدالوهاب.. قامة فنية واسم مهم جدا في مجال الطرب. من أول معرفتي بيكي وانا بحبك ومتأكدة من حب كل اللي بتقابليهم ليكي لقلبك الطيب وللخير اللي بتقدميه وموهبتك الفذة، لكن دلوقتي حبك في قلوبنا بقى اكبر وبقيتى أغلى وأغلى. وحبنا اللي بيكبر هو اللي هيخليكي أقوى وترجعي أحسن كمان من الأول، أنا واثقة جدا من ده. لحد ما تقومي من محنتك ومن بعدها كمان بناتك على راسنا، وعيلتي هي عيلتك. بنحبك اوي).
يأتي هذا بعدما، أجرى السيد محمد عبد الوهاب، مداخلة هاتفية مع المذيع المصري عمرو_أديب، عبر برنامجه (الحكاية)، وأعلن تفاصيل ما يحدث مع شقيقته النجمة شيرين_عبد_الوهاب هذه الفترة.
أكد عبد الوهاب، أن شيرين تعاني من الإدمان، وعادت لحسام حبيب بعدما تصالحت معه وتنازلت له عن جميع البلاغات التي قدمتها ضده، في الوقت الذي لم يتنازل حسام عن أي بلاغ قدمه ضدها، موضحاً: (ضحكوا عليها يا فندم وخلوها تتنازل عن كل البلاغات وحسام ماتنازلش عن حاجة).
اقرأ: شقيق شيرين البطل يحاول علاجها من سرطان حسام حبيب! – خاص
اضاف محمد: (روحت اخدت شيرين من شقة هي مأجراها في التجمع وكان معاها حسام بيسهروا يشربوا سوا، واخدت معايا لجنة من المستشفى عشان يقدروا ينزلوها من البيت).
وعن شائعات اعتدائه عليها بالضرب قال: (لم اضرب شيرين ولا حسام، واللي نزلها من البيت لجنة المستشفى مش انا).
تابع: (حسام والمنتجة سارة الطباخ عصابة ومش عايزين شيرين تتعالج ومش عايزنها تبقى انسانة كويسة، وانا بستنجد بيكم انقذوا شيرين).
استكمل: (لم اشهر بشقيقتي بل اعلنت خبر اصابتها بالرباط الصليبي كي اخفي خبر علاجها من الإدمان، لكن حسام وسارة هما اللي جابوا الصحافة وراحوا عند المستشفى وعايزين يخرجوها).
وانضمت السيدة كريمة والدة شيرين للمداخلة وتحدثت على الهواء باكية تستغيث بالرئيس عبد_الفتاح_السيسي فقالت: (انقذوا بنتي من الواد ده حسام هيدمرها، بنتي من بعد الحفلة الأخيرة رجعنا لقيناه عندها في البيت وطردتني وكانت عايزة تطرد بناتها واتخانقت مع بنتها، وانا روحت لابني محمد استرجيته عشان ينقذ أخته).
تابعت: (حاولت امنعها عن حسام قالت لي انا شيرين_عبد_الوهاب وانتوا عايزين مني اية وطردتني، وهي مش دريانة طبعا هي بتقول اية لانهم بيسهروا يشربوا للصبح).