نشرت الفنانة المصرية ميرهان_حسين، فيديو لحديث النجمة الكبيرة إسعاد_يونس عنها في حلقة برنامجها (صاحبة السعادة)، التي حلت ميرهان ضيفةً عليها.
اعربت حسين عن كامل تقديرها لما قالته عنها إسعاد، وكشفت لأول مرة عن إنها كانت تنوي اعتزال الفن نهائياً، فكتبت:
(انا اول مرة اقولها انا فعلا فكرت كتير جدًا اعتزل العمل في الفن لأني كنت شايفة اني مش متقدرة و اتظلمت كتير في هذا الوسط الذي لا يمنح النجومية حسب الموهبة لأ للأسف بيخضع كتير للعلاقات الشخصية وبيفرض ناس لا تستحق ويعطي فرص كبيرة لناس تكاد تكون معدومة الموهبة وانا عانيت كتير من احساسي اني استحق فرص اكبر و اكثر تنوعًا في الوقت اللي كان بيتم اختيار شخصيات لأداء ادوار عظيمة لا تشبههم شكلًا ولا مضمونًا لمجرد صداقة فلانة بفلان واحتضان مصر لغير الموهوبين من جنسيات اخرى مع احترامي التام لأي جنسية واي فنان او فنانة عندهم موهبة ولايقين في الادوار اللي بيقدموها وبيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل والمذاكرة والتقمص والتحمل والصبر وكل ده على أمل التقدير).
اقرأ: ميرهان حسين تعيش حالة من النشاط الفني
تابعت: (أنا ماكنتش عايزة غير تقدير واعطائي فرص اقدر اعرض فيها ادواتي كممثلة ومغنية وقادرة على تقديم اعمال استعراضية وده اللي كان اساس اختياري في برنامج ستار اكاديمي في لبنان و ايمانهم الشديد اني املك العديد من المواهب اللي تؤهلني للتقدم في صفوف النجومية خاصة في بلدي مصر).
اضافت: (حقيقي انا مش عارفة اقول ايه على كلامك عني .. كلامك عني ورأيك فيا شهادة عظيمة جدًا في حقي لأنه مش أي رأي ده رأي واحدة من القليلات الفنانات العظيمات الرائدات كممثلة كوميديانة ومنتجة كبيرة ذات خبرة طويلة وكبيرة في تمييز الموهبة والأعمال الناجحة شكرًا من قلبي يا صاحبة السعادة على استقبالك الجميل ليا وكل كلمة قولتيها عني هي تقدير وتكريم عظيم ليا افتخر بيه شكرًا ليكي ولفريق اعداد برنامجك الجميل).
https://www.instagram.com/p/CmhG2uiJFdb/