حققت نجمة الجماهير نادية الجندي انتصارًا كبيرًا تمثّل باحتلالها إحصائيات غوغل، بعد نجاح مسلسلها الرمضاني (سكر زيادة)، الذي تقاسمها بطولته الفنانة المصرية نبيلة عبيد.
نادية الجندي قالت في تصريحات لبرنامج (القاهرة الآن)، مع المذيعة لميس الحديدي عبر شاشة (العربية الحدث): (سكر زيادة جديد وفيه تحدي لنادية اللي أعمالها صعبة وقوية وأكشن.. إنما ده شكله مختلف حتى في الكوميديا بتاعته، كوميديا هادفة مش ضحك وابتذال).
تابعت: (الناس كلها قالولي نادية الجندي ظهرت فيه بشكل مختلف.. وفرحانة جدا إن بقا عندي جيل جديد من الجمهور 7 سنين و6 سنين، بيدخلوا يشكروا في دوري في المسلسل.. الفنان كل ما يكبر بيلوّن في أدواره، أنا مكبرتش لأن النجم ملوش عمر.. في بعض ناس سنوا السكاكين ومتربصين للعمل من قبل ما يتعرض، وأنا سعيدة بده لأن الجمهور اللي رد عليهم، مش إحنا).
وعن استعدادها لتقديم أعمال جديدة، قالت الجندي: (عندي فيلم جديد ومسلسل جديد.. نازلة بقوة ونفسي اتفتحت على الشغل مش هقعد في البيت بالسنين تاني، مش هحرم الجمهور مني خلاص، كل سنة هيبقا في عمل).