رد الموسيقار المصري محمد علي سليمان، على تصريحات ابنته الفنانة المصرية أنغام، في برنامج AB Talks، والتي قالت فيها إنه كان يضرب والدتها وإنها كانت ترى منه تلك التصرفات المؤذية منذ طفولتها مما اثر على حالتها النفسية وجعلها تبتعد عنه.
قال الموسيقار في تصريحات لموقع (القاهرة ٢٤): (أنغام بنتي في الأول والآخر رغم أي خلافات.. ومشاكلنا الأسرية لا تهم الجمهور).
وعلق محمد على سليمان، على جدل لقب صوت مصر الأخير، موضحا: أنغام تسحتق لقب صوت مصر من كل جانب.. وتعبت كتير في حياتها.
كانت أنغام قالت في تصريحاتها عن والدها:
أنا كنت بحب أبويا جدا ومتعلقة بيه لغاية اللحظة دي.. شفته وهو بيضرب أمي.. وبعدها جه يسلم عليا قلت له لأ).
اقرأ: أنغام أكثر جرأة مع مع أنس بوخش
تابعت: (عمرى ما بنسى الموقف دا أول مرة أبويا مد إيده على أمى وأنا كنت بحب أبويا في طفولتي بشكل هيستيري، هما في اليوم دا معرفوش يداروا، قبل اليوم دا كانت الأمور بالنسبة لي مداريه).
استطردت: (من بعد اليوم دا زي ما يكونوا سمحوا لنفسهم إن خلاص هي شافت فهنكمل عادي أنا فاكرة كويس أن هو جه يسلم عليا وهو خارج بعد الموقف دا قولتله لا متسلمش عليا ولزقت نفسي في الحيطة ودا كان مستحيل أنا كنت أربع سنين).
وعن مسامحتها له قالت: (بحاول طول الوقت أسامحه لكن صعب، ومش عايزة أقول كلام مش حاساه ومش عايزة أكذب ومش مضطرة).
اضافت: (هو بنى صورة مشوهة عني عند الناس، والناس لغاية اللحظة دي بتعاملني على أساس الصورة دي، وبعض الناس بيستغلوها ضدي، وعايشة في ده كل يوم).
استكملت: (أنا واخدة قرار من زمان إني مش هصلح الصورة المشوهة دي، مش بسبب العند أو الكبر، لكن مش بحب أكذب ولا ألوم حد، ده قدر اتكتب عليا وأنا مسلمة).