بعد الأزمة الصحية الشديدة التي مرت بها على مدار الشهرين الماضيين، طمأنت الفنانة المصرية ياسمين_عبد_العزيز، جمهورها من جميع أنحاء الوطن العربي مؤكدة إنها اصبحت بحال أفضل الآن.
نشرت ياسمين صوراً ليدها وغرفتها حينما كانت محجوزة داخل المستشفى بحالة حرجة، واستعانت بأغنية النجمة اللبنانية إليسا: (كمان وكمان).
علقت على الفيديو قائلة:
(جمهوري الغالي في مصر والوطن العربي وحشتوني جدا الحمد لله انا بقيت كويسه وتعافيت الحمد لله عاوزاكم تتطمنو).
تابعت: (رغم كل الصعب اللي مريت بيه في ازمتي الاخيره إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا كرمني وعديت المحنه علي خير الحمد لله).
اختتمت كلامها:
(كلمة شكرا قليله اوي عليكم وعلي حبكم انا بحبكم جدا وحقيقي انا عاجزه اني اردلكم كل الحب وكل الدعم اللي شفته منكم … بشكر ربنا وشكرا جمهوري الغالي في مصر والوطن العربي).
كانت مصادر مقربة من ياسمين اكدت إنها اصيبت بورم ليفي في الرحم، وخضعت لعملية جراحية لإزالته تحت إشراف الطبيب سامح زكي.
خلال إجراء الجراحة حدث خطأ طبي كبير، سبب لها تسمماً في الدم أدى إلى تدهور حالتها الصحية واستلزم خضوعها لعملية جراحية أخرى، ومن ثم نقلت إلى العناية المركزة.
ورغم انتشار تلك المعلومات إلا أن زوجها الفنان أحمد العوضي، يلتزم الصمت ويرفض الادلاء بأي تفاصيل عن حالتها الصحية.
اكتفى العوضي بطلب الدعاء لها، موضحاً أن حالتها صعبة وعبر عن قلقه الشديد عليها، معتبراً أنه يمر بأضعف لحظات حياته.
إقرأ: ياسمين عبد العزيز لم تلجأ للتجميل وهذه النتيجة! – فيديو
كتب العوضي عبر صفحته:
(يمكن ببان قدامكم دايما قوي.. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه.. انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه.. انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره).
تابع: (وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم).
إقرأ: ياسمين عبد العزيز وضعت المساحيق لمرة نادرة! – صورة
ياسمين الآن أفضل وتحسنت حالتها، لكنها غادرت القاهرة متوجهة إلى سويسرا لاستكمال علاجها هناك.
https://www.instagram.com/p/CTpNqJLoTh4/?utm_medium=copy_link