حلت الفنانة المصرية يسرا، ضيفةً على أحد البرامج الفنية، في حلقة تحدثت فيها عن كثير من أمور حياتها الشخصية وتفاصيل مشوارها الفني الناجح.
قالت يسرا: (أنا شخصيًا الدنيا علمتني حاجات كتير، خاصة في بداية مشواري الفني اللي كان رافضه والدي نهائي، لدرجة إنه جري ورايا بسكينة وكان بيجي معايا التصوير).
تابعت: (شاركت في فيلم ألف بوسة وبوسة مع حسين فهمي، والمخرج محمد عبدالعزيز، طلب مني أبوس حسين، وطبعًا كنت عارفة إن والدي هيرفض، اتفقت مع المخرج على خدعة، بأنه يفتعل مشكلة وعملت نفسي رافضة المشهد، وأنه يهددني لو مبستوش هيخصم 100 ألف جنيه، وطبعًا ده كان مبلغ كبير، ومش مع والدي).
اضافتي (عملت المشهد فعلًا، وبعد البوسة، أبويا إداني بالقلم قدامهم).
اختتمت كلامها: (بس اتعملت طالما قررت أخد شغل لازم أحبه واحترمه واشتغله صح، وأثبت لأبويا إني مش داخلة عشان الفلوس والشهرة والشكل لكن لأنه هو شيء راقي فيه كل الوجوه والمعاني).