تحدثت الفنانة المصرية يسرا_اللوزي، عن كواليس تحضيرات مسلسل (دهشة)، حينما اكتشفت خبر حملها بمولودتها الثانية.
قالت اللوزي: “لما خلصوا الديكور في مسلسل دهشة وهدّوه، وبعدين بنوا القرية بتاعة دهشة، قعدنا فيها 5 شهور بنصور، وبعد ما هدوا الديكور اللي صورت فيه، ده كان يوم ما اكتشفت إني حامل“.
اقرأ: منى زكي: أنا أم رائعة شديدة إلا مع صغيري! – فيديو
وأضافت: “الدور كان صعب والتصوير في أبو رواش فـ كنا بنتحرك بـ توك توك وفي حتت مكسرة وأنا حامل، كلمت أستاذ صادق الصباح (المنتج) قولتله أنا مش عارفة أقولك إيه أنا صورت مشهد في الديكور بتاع حنان مطاوع بس أنا لسة مكتشفة إن أنا حامل وتقريبا أنت أول حد أقوله، وهعتذر عن المسلسل، قالي مفيش أي مشكلة وألف مبروك، وكان رافض إني أعتذر ووفرلي سبل الراحة في التصوير، وكان من أحلي الأدوار اللي عملتها لحد دلوقتي”.
وتطرقت اللوزي للحديث عن ابنتيها، مشيرة إلى أن انجاب البنات يجلب الأمان، حيث قالت: “أنا شايفة اللي خلف ولد هو اللي هيشيل الهم، اللي خلف بنت بيحس بالأمان وإن عنده صاحبة بقية عمره، أنا لو كان عندي ولد كنت هحبه بس أنا كان نفسي أجيب 3 بنات”.
لم نفهم هذا التصريح الغريب من يسرا_اللوزي، المفترض عنها إنها فتاة مثقفة وتعلم جيدًا أن لا فرق بين انجاب البنت والولد، وكل منهما نعمة تستحق الحمد، بدلًا من أن تدعي بأن انجاب أي نوع منهما يسبب الهم!