أجرى الفنان المصري أحمد_فهمي، مداخلة هاتفية عبر قناة (MBC مصر)، في برنامج (الحكاية)، الذي يقدمه المذيع عمرو_أديب، وتحدث عن أزمة مشاجرته مع لاعب النادي الزمالك شيكابالا.
قال فهمي:
(هما بيقولوا إني عاوز أخد اللقطة، أنا لو بحاول أخد اللقطة ما كان في حازم إمام مثلا في الفرح طيب ما اتخانق مع حازم وهو نجم كبير).
تابع: (الحمد لله إن كريم أخويا مكنش وصل الفرح وقت الخناقة، مكنتش هتتلم خالص، لو أنا وكريم متنرفزين كانت هتبقى كارثة، وبعدها حازم إمام قالي ماتزعلش يا فهمي، والله ودي حاجة كبيرة أوي عندي).
تابع: (وقتها كتبت منشور وقولت أن الزمالك نادي محترم وبه رموز وقولت بلاش تضحك عليهم وأنت طلبت مني ووقتها المنشور زعل شيكابالا وأنا اتعصبت وقتها وكان ممكن أكلمه في التليفون أفضل من المنشور لحد ما حصل اللى حصل).
اضاف: (أنا مش ممثل أهلاوي أنا راجل أهلاوي بقيت ممثل.. وجمهور الأهلي خط أحمر، شيكابالا زعل من البوست وانا مسحته واعتذرت ليه، اللى حصل أن مصطفى سيف العمارى قالى تعالى سلم على شيكابالا بما اننا في الفرح، ورحت سلمت عليه، لكن لقيته بيقولى انا كنت اقدر اعمل اللى انت بتعمله بس ما رديتش، فرديت عليه قولتله يا شيكابالا انا جاى اسلم عليك).
استكمل: (قعد شيكا يتكلم قلت ليه انت شتمت ناس تخصنى جمهور الاهلى، رد قالى نعم يا اخويا وفضل يشتم في النادى الاهلى وجمهور الاهلى).
وأكد أحمد فهمى قائلاً: (أنا رديت شتيمه جمهور الاهلى وشتمت شيكابالا نفسه والحمد لله ان كريم اخويا مكنش موجود وإلا الخناقة مكنتش هتخلص).