قالت الممثلة النقابية رشا سامي العدل إنها قررت بيع المأكولات في منطقة (دهب) التي عاشت ولا تزال فيها لمدة ٧ سنوات بعدما توقف عملها في عالم الدراما ولم تجد الفرصة المتاحة لها.
قالت في فيديو مصوّر إنها ستبدأ بهذا المشروع الصغير لعله من خلاله تفتتح مشروعًا كبيرًا لتوزيع الأكل للمناسبات.
وقالت: (الموضوع ده بفكر فيه من شوية وأنا في دهب، أنا ممكن أساعد ازاي في دهب، جيت دهب في شهر 7 اللي فات وقررت أشتغل، والناس عارفة أني ممثلة، بس أنا مش بشتغل كتير، أنا نقابية ومش بحب ألقي اللوم على حد، لكن النقابة على عيني وعلى راسي، وكل اللي بيطلع لي من النقابة هو الكارنية، وأنا عندي تأمين صحي وأقدر أروح لدكتور وأخد دواء بسعر مخفض، ولا ألقي اللوم على أصدقائي المخرجين والمنتجين ورحت طلبت شغل وهما متحركوش عشان كل واحد حر)
وتابعت: (كفاية أجي على نفسي عشان خاطر ولادي، أنا تمردت على بيتي وعلى ماما وأولادي وأي حاجة مش مريحاني مش هقبلها، والقرار ده ريحني جدا، من شهر 7 اللي فات بصلح من نفسي، كلنا بناخد قرارات غلط.. اخطأت كتير فى حياتي عشان اتجوزت مرتين غلط، مش هلومهم، واللي بعمله دلوقتي عشان أكسب لقمة حلال، وأنا مش بركب التريند عشان أنا كتبت عن المشروع ده من فترة طويلة)
واختتمت كلامها: (سهل جدا أخد فلوس من أهلي، ومحدش هيتأخر عليا، بس أنا هعمل اللي ربنا يقدرني عليه، إذا كان في دهب أو القاهرة أو أي مكان في الدنيا)
البعض هاجم رشا وسألها عن الأموال الكثيرة التي تركها والدها الممثل والمنتج المصري الراحل سامي العدل، بينما قال البعض إنها تروج لنفسها بهذه الطريقة حتى تسلط الضوء عليها.
رشا لم تصمت امام كل الحملات التي تعرضت لها فقط لأنها أرادت أن تعمل بعرق جبينها وأن لا تكد يديها لأحد بفض النظر عن اموال والدها أو عمّها مدحت العدل.
دافعت عن نفسها وعن كل عائلتها، وقالت رشا بعصبية: (اهلي مش معترضين كما يقول البعض بالعكس تماما، احترموا قراري في محاولة الاعتماد على نفسي عقبال باقي الناس لما تقتنع انه ولا عيب ولا حرام أن حد يسعى ويجتهد ويشتغل طالما بيكسب بالحلال ندعي بالتوفيق،وباذن الله اكون قدها واخلي اهلي فخورين بيا).
وتابعت: (أنا ماقولتش إني اعتزلت التمثيل، لأنه في دمي وعشقي الأكبر، أنا ما قولتش إني عملت عربية أكل أنا قلت بعمل أكل وببيعه وده عادي جدًا ستات بيوت كتير بتعمله.. أنا قلت أهلي وعمامي تحديدًا جزمتهم على رأسي ولو احتجت حاجة عمرهم ما يرفضوني وهازود كمان أن مفيش زنقة ليا ماكانش ورا فرجها بعد ربنا عم ليا)