الفنان السوري حمادة سليم صرّح (للجرس) إنه تعرض لعملية نصب من شركة (قبنض) المتمثلة بالسيد محمد قبنض ونجله أيهم، بعد مشاركته في مسلسل (جوكر) الذي عُرض على جزئين مع مخرجين مختلفين، ولم يأخد حقوقه.
وقال إنه انتهى من تصوير ٧٥٪ من دورهِ وبعدها توقف العمل مع المخرج الأول نزار السعدي. أما مشاهده المتبقية كان سيكملها مع المخرج المخرج الثاني جمال الظاهر.
وتابع حمادة سليم: المخرج الثاني طلبني وقال لي انهم سيضيفون على مشاهدي وسيحذفون بعضًا من مشاهدي السابقة. وقلت له لا مشكلة المهم انو جدد عقدي.. ما حدا تواصل معي ولا جددت عقدي لكني تفاجأت لما بدأوا التصوير ودقولي قبل بيومين وقال لي انو رح يبعت النص الجديد المشغول عليه وما حدا جدد معي)
وأضاف: (صار في مشكلة بالتنسيق وأنا كان عندي تصوير بمكان آخر فإذ استبدلوني وما كان عندي مشكلة بالموضوع.. وقلت بيجي شخص آخر وبيصور ما تبقى من شخصيتي يالي صورت جزء كبير منها بالبداية.. رحت وطالبت بحقي لاني صورت جزء كبير من الشخصية وصاروا يأجلوني بعد اسبوع بعد شهر بعد شهرين وما عدت طالبت بالمصاري.. بس تفاجأت لما حطوا اسمي على الشارة وانعرضلي جزء صغير من مشاهدي وطلعت متلي متل الكومبارس)
وتابع الممثل السوري: (أنا ما أخذت مستحقاتي كممثل وانعرض العمل وفيه شوي مشاهد الي وانحط اسمي على الشارة.. للأسف الشركة ما بتسمع حكيت مع السيد محمد قبنض ومع ابنه ومدير الشركة وسيم شبلي وما كان في جواب ولا أي بادرة لأتفاهم معهم.. وآخر شي بسمع انو قال ما الي شي عندهم واني تركت العمل)
ووجه من خلال الجرس رسالة للشركة، وقال: (لن أسكت عن الموضوع وسأرفع دعوى قضائية وهناك قانون سيأخذ حقي)