أعرب الفنان المصري تامر حسني عن سعادته بنجاح فيلمه السينمائي (الفلوس)، الذي طرحه منذ شهر تقريباً، وحقق نجاحاً كبيراً في مصر والوطن العربي.
قال حسني: (الحمد لله فرحان جداً بتصدر فيلم الفلوس بالشكل دا في مصر و الوطن العربي و توزيعه عالمياً هذه الأيام ، اللي مفرحني اكتر ان الفيلم نزل في ايام عاديه مش موسم افلام ولا اجازات بالعكس هو نزل مع فترة امتحانات و كان معاه افلام عالميه زي فروزين ٢ و چومانچي للعالمي ذا روك و الحمدلله فيلم الفلوس تخطى كل الأفلام دي في مصر و الوطن العربي و حقق رقم جديد في حياتي الفنيه).
تابع: (رغم انه نوع جديد عليا و ممكن يكون غير متوقع مني و كانت مجازفه كبيره مني اني اعمل نوع زي دا و عارف ان في ناس كانت متوقعه اني اقدم نفس اللي قدمته قبل كدا بس انا اكيد مش بكرر نفسي و بحاول ديماً تطوير نفسي و التغيير مطلوب جداً لإن التكرار عمره قصير و لازم احاول اخاطب كل الأذواق و أقدم مختلف الأشكال على مدار رحلتي في السينما).
اختتم كلامه: (فرحان جداً ان فيلم الفلوس بيتوزع دلوقتي عالمياً من خلال شركة ceema entertainment اللي بتقدم افلامي للعالم بشكرهم جداً و ان إيراد فيلمي دولياً و هو فيلم عربي يوصل للرقم دا و يتوزع للعالم وسط الأفلام الأجنبه و يحقق ايرادات بهذا الحجم بصراحه شيء أكبر من أحلامي بس انا بجتهد و ربنا بيكرم على قد الإجتهاد الحمدلله).