شن الفنان المصري حسام حبيب هجوماً كبيراً على إعلان الفنان المصري عمرو دياب، الذي عرض خلال شهر رمضان، لصالح شركة (فوافون)، وقدم خلاله الهضبة أغنية بعنوان (جمع حبايبك).
كتب حسام عبر صفحته: (أول مرة أبقى فرحان أن رمضان هايخلص علشان أخلص من إعلان فودافون المقرف الممل بجد أوحش حاجة في الـ 39 رمضان اللي حضرتهم في حياتي، أما مش مصدق أن في حاجة بالوحاشة دي، ده كرهني في فودافون وفي حياتي بجد لازم كل اللي اشتغل في الإعلان ده يعرف كدة وكل الحواس مع كل أحترامي للمشاركين من الفنانين، أنا عارف أن مالكوش زنب، الزنب زنب فودافون والكريتيف تيم اللي هو مش كريتيف خالص الحقيقة).
تابع: (حابب أوضح حاجة أنا مش قصدي خالص الأغنية ولا الفنانين الكبار اللي في الإعلان كلامي عن فودافون والكرييتف تيم تحديداً عشان كلامي مايتفهمش غلط لأن كل الفنانين اللي في العمل كبار وبكن لهم كل الاحنترام والتقدير).
الجميع استغرب طريقة هجوم حسام على إعلان عمرو دياب خصوصاً وأنه كان على علاقة صداقة قوية به من قبل، واعتبر آخرون أن عداء حسام لعمرو دياب بدأ فقط بعد زواجه من الفنانة شيرين عبد الوهاب، التي جمعتها عدة خلافات كبرى بعمرو دياب من قبل.
