دعمت الفنانة المصرية زينة، صديقتها الفنانة مي عز الدين، في ظل موجة الانتقادات العنيفة التي يتعرض لها مسلسلها (البرنسيسة بيسة)، والسخرية الشديدة التي شنها البعض من أداء مي عبر مواقع التواصل الاجتماعي.
كتبت في رسالتها: (نجمة من أول ما بدأتِ ومسلسلاتك طلعت نجوم دلوقتي بيشتغلوا لوحدهم سواء رجالة أو ستات، مش عارفه أبدًا من السينما في أيظن ولا سلسلة عمر و سلمي مع نجم كبير زي تامر حسني اللي كسر الدنيا لدرجة ان كل الناس بقت تسمي ولادها عمر وسلمي ولا من مسلسلاتك الشك ولا دلع بنات ولا حالة عشق اللي عمله نقلة في مشوارك وفي الدراما.. كل خطواتك وراها مجهود وتعب وحب لجمهورك اللي بتموتي نفسك علشان ترضيه.. واللي بيحبك ومنهم رقم بسيط علي حسابك ٧٠٠٠٠٠٠ مليون ده رقم قليل من محبينك في الوطن العربي كله واللي بيقدروا مجهودك وتعبك، وعلي فكره بحب البرنسيسة بيسه وسكسكه وبحبك وكل الناس بتموت فيكي واولوهم السبعة مليون اللي عندك).
تعرضت زينة لهجوم بسبب دفاعها عن مي، واعتبرها البعض تنافق صديقتها ونصحوها بأن تواجهها بالحقيقة بدلاً من التصفيق لها على فشلها، لترد زينة مجدداً: (والله مش بجامل ده رأيي، في ناس زيك وفي ناس زيي الفشل ده كلمة كبيره اوووي ماتتقالش كده بسهوله في تعليق الكلمة الحلوة نستوها ليه مش فاهمه او السكوت مش أفضل بزمتك ده احنا في رمضان ولسه الناس صائمة وبتصور ارحموا من في الأرض يرحمكم من في السماء).
كانت مي أغلقت خاصية التعليقات على صورها عبر مواقع التواصل الاجتماعي، بعد تعرضها لسيل من الانتقادات والسخرية من بعض منتقدي مسلسلها والمتربصين لها.
اقرأ: مي عز الدين هكذا واجهت السخافات
