اعلنت المذيعة لينا شاكر عن اصابتها بمرض السرطان، ونشرت صورة بعدما تساقط شعرها بسبب جلسات الكيماوي.
وروت تفاصيل مؤلمة عبر رسالة طويلة عن مرضها ومرض والدتها وصديق لها بنفس المرض وجاءت الرسالة كالتالي: انا عشت مع امي الله يرحمها تجربه الكانسر بكل حذافيرها وتفاصيلها من يوم اما اتشخصت لیوم وفاتها كانوا ۱۱ سنه ونصف كميه الالم اللي عشته معاها في التجربه دي مرعب وكانت دعوتي لربنا انه يخفف عنها ويقدرني اني اسعدها، واکید کنت بفكر مع نفسي ليه كل ده؟ وأضافت قبل وفاتها بيومين واحنا في المستشفي لقيتني بكتب کلام وكأني بكتب نعيها المهم أن في اللحظه دي شوفت حكمه ربنا بالنسبه اليا في كل اللي عدي وحمدته وشكرته لاني حسيت ان دي كانت احلي حاجه انا عملتها في حياتي، وكأن ربنا اداني وقت احبها اكتر وادلعها واكون لها بنت كويسه واكون جنبها في كل لحظه زي ما كانت طول عمرها شیلانا عشان هي حقيقي كانت ملاك واحن واطيب ست في الدنيا وقالت .. الدكتور اللي عملها الكشف اول مره زعقلي وقالي دي بتموت انتوا جهله).
اقرأ: توقعات مجد غانم العامة للعام 2021 – فيديو
اقرأ: نضال الأحمدية تكشف أسرارًا عن هيفاء وهبي وابنتها – فيديو
تابعت: (بس هي ما ماتتش وقتها وعاشت الحمد لله و الدكاتره بعد كده قالولي دي عملت record وانها كانت بالكتير تعيش خمس سنين وده ما حصلش واتوفت بعدها ب ۱۱ سنه ونصف ، ربنا قادر علي كل شيء مهما كان عندنا علم هو له وقت وقدره اکید مش عندنا احنا کبشر .. بعدها بقيت بقول كتير انا مش ماسكه في الدنيا ومستعده امشي في اي لحظه لاني ما بقتش فرحانه بحاجه خلاص).
اضافت: (قوم يجيلي صديقي الأنتيم يجيلو کانسر واكملت .. طبعا واحده زي عندها الخبره الطويله دي حقيقي اتصدمت اما عرفت بس زي ما واجهت كل لحظه مع امي بقوه هو كمان واجه الفتره بتاعت العمليه والكيماوي بقوه وربنا يديم عليه الشفا والصحه ، اتفقت معاه وهو في جلسة الكيماوي يوصفلي الاحساس بالظبط عشان كنت عايزه اعرف ماما الله يرحمها كانت بتحس بإيه ولاني مش ناسيه في واحده من جلسات الكيمو بتاعت ماما كانت في واحده ست في جلسه کیمو برضه جنبنا بس كانت بتتألم وبتشتكي لربنا بصوت عالي .. الست دي وجعتلي قلبي وبقيت ابص لماما وحسيت قد ايه امي ست قويه وحموله الله).
