فجعت الفنانة والمذيعة المصرية، ميار الببلاوي بوفاة شقيقها علاء، وأعلنت الخبر ، وقالت:
(توفى إلى رحمه الله أخويا الغالى علاء هموت عليك يا نور عين أختك يارب الصبر من عندك إنا لله وإنا إليه راجعون).
لكن حزن الببلاوي لم يهمد رغم مرور ثلاث أيام على رحيل شقيقه، حيث رثته بحرقة فأبكتنا، وقالت خلال تقديم برنامجها (حواء):
(دايما بيقولوا الابن مولود، والخال والد، والزوج موجود، لكن الأخ مفقود، الخال والد، قلت أخوي زيادة عن الناس، قالوا الصعايدة قلبهم جامد، قلت أخوي كتلة من الحنية والإحساس، رحلت يا ولد ابوي قوام، ومقولتليش بس ده قضا ربنا اللهم لا اعتراض وأديني أهون صابرة ومبتشكتيش).
وتابعت: (غيرش بس الفرقة صعبة يا ضهري وسندي، شريط حياتنا قدام عيني لم بيعدي، واقفة الصور قدامي صورة صورة كأنها يا غالي في قلبي وعقلي محفورة، فاكر لبس العيد كنت كيف القمر في اللبس الجديد، طيب فاكر قسمة اللقمة بينا؟ طيب فاكر الكلام اللي محدش يفهمه غيرنا).
وأنهت رثائها: (يقولوا في الشبه أنت وأخوكي فولة وانقسمت نصين، ويوم ما قالوا أنك مت قلبي انقسم نصين).
