حلت الفنانة المصرية آمال_ماهر، ضيفًة على برنامج (الحكاية)، الذي يقدمه المذيع المصري عمرو_أديب عبر قناة MBC مصر.
تحدثت آمال باستفاضة لأول مرة عن شائعات اختطافها وتعرضها للتعذيب وحرصت على طمأنة جمهورها على حالتها الصحية.
اقرأ: المنحوسة آمال ماهر!
قالت آمال خلال اللقاء: “طلعت لايف دقيقتين عشان اطمن الجمهور عليا، وقالوا مش هي ومش في بيتها، أنا اتخضيت من كتر الناس القريبين اللي برد عليهم ومش مصدقين إني أنا اللي بكلمهم، كنت بتمرن وبروح الجيم ولما تعبت وبطلت أروح قالوا دي مخطوفة”.
وتابعت ممازحة: “المرة الجاية هسيب فيديو قبلها احتياطي. أنا غنيت وقالوا لأ مش هي دي دوبلير، وجايز وأنا قاعدة معاك يقولوا مش أنا”.
اقرأ: آمال ماهر تطل أخيراً في فيديو وتوجه رسالة للجمهور: أنا بخير – فيديو
كانت الفنانة آمال ماهر اوضحت سبب غيابها عن جمهورها العام الماضي وقالت: “معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا”.
وشوقت المطربة آمال ماهر جمهورها إلى أعمال جديدة وقالت في فيديو :” انتظروني قريبا”.
وردًا على المشككين في ظهورها الأخير قالت “أنا والله، وبعتذر للجمهور كنت في حالة سيئة جدا، تعبانة جدا، الكوفيد تعبني بشكل فظيع، زي ما أنتم عارفين يختلف من شخص للتاني، عندي: ضيق نفس، صداع، وعضمي واجعني مفيش حاجة مكانتش مش موجودة، الحمد لله كنت فين وبقيت فين”.
وأشارت آمال إلى أنها أصيبت أكثر من مرة بكورونا، موضحة “انا وكورونا صحاب مش أول مرة، أول مرة مكانش حد عارف دي ايه ولسه من ست شهور وبعدين دلوقتي، جربت كل المتحورات، بقينا صحبة انا وهي”.
اضافت: (والله يجماعة دي أنا وكنت في حالة سيئة جدا بسبب الكورونا، وصوري مش قديمة كانت قبل مااتعب بيومين).