وجه الشاعر المصري أمير طعيمة، رسالة قوية للفنانة اللبنانية ميريام فارس، بعدما تطاولت على مصر، وقالت خلال المؤتمر الصحافي لمهرجان (موازين)، أنها اصبحت “ثقيلة” على مصر وأجرها العالي سبب عدم احيائها حفلات هناك.
اقرأ: ميريام فارس تتطاول على مصر ونجمات لبنان وغير مرغوب بها بعد اليوم! – فيديو
قال أمير في رسالته لميريام:
(ميريام فارس: فيه نجوم عالميين كتير غنوا في مصر بعد الثورة، و اجر Yanni في حفلتي الاهرامات تخطي المليون دولار، معظم نجوم الصف الاول في لبنان أقاموا حفلات في مصر زي إليسا و نانسي و راغب و حتي العظيمة ماجدة الرومي و قائمة طويلة، و أنا و إنتي عارفين انهم بياخدوا أجر يفوقك بمراحل و انا و انتي عارفين الأرقام و الفرق الكبير بينهم و بينك).
تابع: (إنتي مش تقيلة علي مصر خالص، إنتي بس أرشيفك اللي مش تقيل كفاية عشان يبقي عليكي طلب في بلد زي مصر، فالأفضل تشتغلي علي نفسك و تعملي الشغل اللي يخليكي تبقي مطلوبة في مصر بدل الحجج اللي دمها تقيل دي، و الله اترددت كتير قبل ما أكتب البوست ده، بس ما ينفعش برضه اعمل مش واخد بالي، بلاش مصر يا ميريام، ان مكانش من باب الأدب يبقي من باب الذكاء).