روت الفنانة شهيرة تفاصيل اللحظات الأخيرة في حياة الفنان المصري الراحل فاروق الفيشاوي.
كتبت شهيرة عبر صفحتها على الإنترنت:
(فاروق أنت مشيت. هو كده خلاص يعني. !! ؟؟ياأجدع وأحب خلق الله من أمبارح وأنا مش مصدقه لأن قبلها بيوم كنت عندك في المستشفي وكانت الزيارة ممنوعه بس انت لما عرفت اني موجوده طلبتني أدخلك ⚘ وقضيت معاك فوق النص ساعه من المرح والضحك وكأنك لست مريضا وفي حاله خطره. كنت قويا ومتجاهل ماأنت فيه. وتحكي حكايات من هنا وهناك كأنك تعاني من نزله برد ونزلت من عندك راضيه بروحك المعنويه المرتفعة).
تابعت: (لذلك كانت صدمتي كبيره لما بسأل عنك تاني يوم قالولي أنتي آخر صديقه شوفتيه في حالته الطبيعيه لأنه النهارده راح في غيبوبة. طب ازاي ده كان كويس أمبارح بروحه العاليه ده كان بيضحك ده كان بيحكي علي نوادره مع صديقه محمود الجندي وعلي فلان وعلان. طب ازاي بسرعه كده. طب ازاي ازاي !! سبحان الله( بين طرفه عين وأنتباهتها يغير الله من حال إلي حال) دموعي تتسابق مع نفسها ولا تريد تهدأ، طب ازاي ازاي !! سبحان الله( بين طرفه عين وأنتباهتها يغير الله من حال إلي حال ) دموعي تتسابق مع نفسها ولا تريد تهدأ. طب ازاي وانت من أعز الأصدقاء للعيله كلها وانهيار أبني عمرو بالبكاء عندما رأي النعش بتاعك أمامه.وشريط ذكريات أؤنكل فاروق أمامه. الشهامه والرجولة والجدعنه.أنت يافاروق وصاحب المواقف الصعبه مع كل الناس مستحيل لم تترك بصمه مع كل من عرفك وأقترب منك. مع السلامه ياحبيبي).
اختتمت كلامها: (اللهم تقبله بقبول حسن وسامحه وأغفرله وأعفو عنه وأجعل ليلته اجمل ليله وثبته عند السؤال ونور قبره وأجعله روضه من رياض الجنه فليس هناك أحن منك علينا يا رحمن يا رحيم).