حلّت الراقصة المصرية لوسي ضيفة على برنامج (العرافة) تقديم بسمة_وهبة على قناة (النهار المصرية) حيث يحقق نسبة مشاهدة عالية ويتصدّر الترند في مصر.
لوسي قالت إنها لعبت دور الجنية (هند الاحمر) في مسلسل (مداح) وبسبب هذه الشخصية ظهرت لها الجنية هند بشكل حقيقي وترافقها أينما تكون.
اقرأ: لوسي: اشتغلت رقاصة عشان والدي كان تعبان
وروت ما حصل معها وسط ارتعاب بسمة مما تسمعه، وقالت لوسي:
(روحنا نصور في الفيوم عملت ميك اَب وكل حاجة وقلت هلبس لبس الجنية في فيلا صابر علشان المسافة من الفيلا للفندق بعيدة ومبقاش لابسة اللبس ده والدنيا حر جدا قبل ما اخش علي اللوكيشن في الفيلا بـ4 دقايق لقيت المخرج المنفذ هشام فتحي بيقولي انت فين ارجعي للأوتيل فيه عاصفة فظيعة والشجر بيخبط في بعضه، فقلت له مفيش حاجة على الطريق اللي جاي فيه، فقلت له أنا داخلة على الفيلا)
اقرأ: حقيقة ضرب لوسي لممثلة
وتابعت: (وانا داخلة مكان التصوير وفيه شجر ومفيش عاصفة ولا حاجة دخلت رسيبشن الفيلا في الفيوم لقيت الرموش الطويلة اللى مركباها بتتهز جامد من الهواء، وهما مقفلين فتحت لقيت الهواء بينطرني، فقلت بركاتك يا ست هند الأحمر ملكة الجن وقلت لهم سلام عليكوا ومصورتش)
وأضافت لوسي: (الشخصية اللى انا بلعبها في مسلسل المداح عاملة شغل معايا، الجنية هند بنت الأحمر ملكة الجن عاملة شغل معايا، وانا قرأت حاجات وعملت حاجات علشان اعمل الشخصية.. هند بنت الأحمر موجودة تحت الأرض وبتلازمني لحد دلوقتي، وكل شوية بتطيرني، علشان كده لازم اقرأ قراَن، وكنت أقول المشهد من هنا واقرأ قراَن من هنا، باحلف بالله اني اتأذيت من هند بنت الأحمر ملكة الجن)
اقرأ: لوسي: سأتبرع بأعضائي بعد الموت
وأكملت: (فيه جن طيب او جنية طيبة ومؤمنة ومسالمة وفيه جنية شريرة، وعلشان انا اعمل دور المداح كان لازم اعرف شكلهم وفيه كتب قرأتها وفيه حاجات وطقوس ليهم بس هما بيروحوا فين؟ الجن الطيب بيساعد الناس الطيبة والخيرة بأمر الله، وذاكرت الجنية هند بنت الأحمر وعرفت ان الشريرات منهم ضعفاء جدا بيروحوا للشخصية اللى نفسها وحشة وشريرة ويبتدي يشتغل عليها)