شنت المذيعة المصرية دعاء فاروق هجوماً عنيفاً، على الفنان المصري محمد رمضان، بعد نشره مقطع فيديو له من المستشفى، ادعت أنه يسخر فيه من الطيار أشرف أبو اليسر، الذي تم إيقافه عن عمله مدى الحياة بسبب واقعة دخول الفنان قمرة قيادة الطائرة.
والحقيقة قبل أن نقرأ ماذا قالت دعاء فإن الفيديو الذي سننشره مع فيديو الكابتن لا يشير لا من قريب ولا من بعيد إلى السخرية من الطيار أو الكابتن.
اقرأ: محمد رمضان يسخر من أزمته مع الطيار! – فيديو
دعاء نشرت صورة من الفيديو، ووجهت رسالة مطولة لرمضان قالت فيها: (هل تعلم يا نجم النجوم ان هناك ما يسمي بالمن والأذى في القرآن الكريم.. فإذا عرضت المساعدة علي احد ثم فضحته بنشر هذا العرض او هذه المساعدة علي الملأ فهذا يسمي منٌ وأذى .. اي أنه حبط عملك ولا قيمة له لا دنيا ولا آخرة.. هل تعلم يا نامبر ون أن المنظرة بفعل الخير وبمساعدة الناس اسمها رياء والرياء يا نجم هو الشرك الخفي الذي لا يقبله من لا شريك له).
تابعت: (هل تدرك يا مبدع ان تعليقك علي هذا الفيديو بأن الدكتور اللي صورك اتوقف مدي الحياة اسمه تلقيح بالكلام وكيد وهمز ولمز وسخرية واستهزاء بموقف حزننا له جميعا.. عندنا دم يا اخي ، بنحس بالناس يا سيدى ، بتفرق معانا مشاعرهم يا فنان يا حساس.. لم يصيبنا فيروس التباهي بأذية مخاليق ربنا والتريقة عليهم بعدها.. حضرتك بتكيد زى النسوان الكيادة الطيار اللي اتوقف بالفعل مدى الحياة بسبب منظرتك).
أضافت: (تاريخ طويل كان يجب ان ينتهي بتكريم وخروج مشرف انتهي بخروج مخزي بسبب فيديوهات جنابك اللي بتبلينا بيها كل يوم .. مش معقول الإحداث يا محمد خلاص بقي بقالك كتير مهم ومشهور وبتركب كل يوم طيارات خاصة وعربيات من الفضاء واحنا مصدقينك والمصحف ونبصم بالعشرة انك واصل واغني من سلطان بروناي .. خلاص بقي احنا زهقنا ومش فارق معانا علي فكرة والطيارات الخاصة مش عَجَبة لان الكل بيركبها دلوقتي ومفيش ممثل او مطرب ماركبهاش .. من كتر ما شفنا صورها بقت عاملة زى التاكسي الابيض).
واستمرت تهزأ منه وتؤدبه: (أنت مزهقتش؟؟ احنا مش منبهرين خالص وانت لسه منبهر؟؟ واحد تاني كان اتكسف واستخبي وراح باس على رأس الراجل اللي اتمنع من شغله لآخر عمره.. مش يتمنظر بمنتهي الجهل بانه جاب له شغلانة وهو ممنوع من ممارستها.. الطيار أخطأ واخذ جزاءه لآخر العمر بسبب سماجة منقطعة النظير، غلطته أنه سمح بيها ومش هنكتر سكاكيننا علي الرجل لأنه مش ناقص بعد العقاب الرادع الذي يعتقد البعض انه يستحقه ويتعاطف معه البعض الاخر).
اختتمت كلامها: (أنت بقي بسكينتك التلمة شمتان وبتتريق كمان.. يا أخي تغور الشهرة والموهبة وحب الناس لو ماعملتلهاش الف حساب.. أنا مكانش عندى مشاكل معاك خالص وكنت بقول فرحان بنجاحه وماله اما يفرح انما تتسبب في أذية الناس وتشمت فيهم كمان.. يبقي اخص عليك يا محمد يا رمضان).
اقرأ: محمد رمضان: الطيار طلب مني ٩ مليون جنية!
هنا الفيديو الذي سخر فيه رمضان من الكابتن ووثيقة للتعليق الذي كتبه، وبعده فيديو الكابتن الذي نكر أنه كان يعرف أنه يتصور، وكان محمد رمضان تعليقًا عليه: انا مكدبتش لما قولت ان الكابتن عارف ان في فيديو بيتصور .. وانا معرفش قوانين الطيران المدني ولو حضرته قالي ممنوع الدخول مكنتش هزعل .. ومع ذلك قسماً بالله لم ولن أتخلى عنه وربنا وحده يعلم بذلك وانا واثق في عدل ورحمة ربنا ثم سلطة الطيران المدني .. ان شاء الله هتلغي العقوبة ويرجع عمله.
دينا حسين – القاهرة
https://www.instagram.com/p/B8dwrONhLEe/
https://www.instagram.com/p/B8hA6HdBG2d/