منذ 4 سنوات أعلن الفنان المصري رامي جمال سعادته البالغة برسائل الدعم التي استقبلها من الجمهور ومن زملائه الفنانين، بعدما أعلن اصابته بمرض البهاق الجلدي، وأخبر جمهوره بتفكيره في الاعتزال بشكل جدي.
رامي بعد دعم الجميع له، عاد عن فكرة الاعتزال، وقال: (الحمد لله اولا وأخيرا ً انا عاوز أقول كلااااام كتير عن اللي شوفتو منكم كلمه شكرًا قليله علي مشاعركم وعلي رقي كلامكم وعلي الوقت اللي ضيعتوه علشان تحسنو الصوره المظلمة اللي كانت في عيني انا بقيت شايف الابتلاء ده هديه من ربنا علشان اشوف الحب ده والله دموعي مبتقفش وانا بشوف كلامكم اوعو تبخلو علي اَي حد بدعم نفسي زي اللي دعمتوني بيه احساس الحب بينور الدنيا بيرجع الروح والأمل اللي انتو عملتوه ميتقدرش ثانيا عاوز اشكر زملائي الفنانين علي كل كلمه حلوه وكل دعم شفتو هي دي الروح اللي نفسي تفضل موجوده مش بس بعد المرض ولا الوفاه الكلام الحلو قولوه علطول ليا ولغيري بيفرق جدا الحب بيغير الضلمه لنور).
اقرأ: رامي جمال يعلن اصابته بهذا المرض وهل يعتزل؟
تابع: (ثالثا لكل القنوات اللي بتحاول تتواصل معايا من امبارح علشان تطمن عليا بشكركم جدا بس أنا كتبت البوست ده علشان انهي حمل علي قلبي مش علشان ابقي تريند بشكركم طبعا بس اتمني لما تقررو تستضيفوني يبقي علي عمل فني مش مرض مقدر شغلكم طبعا بس انا مش قابل فكره مريض انا الحمد لله اتأكدت بكلام الناس اني مش خايف ومش هترفض فبلاش اَي حاجه تتفهم غلط شكرًا علي اهتمامكم ومقدرو واشوفكم في لقاءات فنيه بعد نزول ألبومي ده أفضل نفسيا كتير ليا ومفيش مانع ساعتها نتكلم عن اني ازاي اتعايشت بيه وهتعايش بيه لو ليا عمر الحمد لله علي الابتلاءالحمد لله علي حبكم ودعمكم ده دين هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرًا من قلب قلبي).
)
