حلت الفنانة المصرية ريم مصطفى، ضيفةً على المذيعة لميس_الحديدي، عبر برنامجها “كلمة أخيرة” الذي يعرض على قناة ON.
تابعت: (أنا بحب التمثيل بس مابحبش حياته، ما بحبش البرامج والأضواء، مابحبش أدخل الناس في حياتي الشخصية، لأن الشائعات دمها تقيل، والناس بقى دمهم تقيل وبيتدخلوا في حياة الأخرين، وأنا اتفقت مع اولادي على كده، هم طلبوا مني أنهم يفضلوا بعيد).
اقرأ: ياسمين عبد العزيز توضح سبب زيادة وزنها!
وتحدثت عن علاقتها كأم بأبنائها قائلة: (أنا أم جدا، ولادي أصحابي المقربين، والعلاقة اللي بينا الناس لما تشوفها بيتخضوا، مابيقولوش ماما، بينادوني (رورا) وبتكلم معاهم في كل حاجة ممكن تتخيليها، لو معجبة بواحد هروح أقول لهم).
اضافت: (ولادي مابعملش حاجة غير برأيهم، إحنا أصحاب أوي، وهم اللي عملوا لي تست الكاميرا في الأول خالص).
وأشارت إلى أنها لا تضع أبنائها في حساباتها قبل اختيار أدوارها لأنها تمتلك حدود تخص شخصيتها، وأوضحت: (مش هيقولوا ريم كانت هتعمل مشهد ومعملتوش عشان خاطر أولادها، لأ، أنا اللي مش هعمل ده عشان مش عايزة أعمله).
أما عن تجربة طلاقها فقالت: (الطلاق بيوجع، أيامها حزنت جدا، وماما كانت تسألني هتفضلي نايمة في السرير؟ لو مزعلتش على عشرة عمري وأبو ولادي أزعل على مين؟).
وعن تكرار تجربة الزواج قالت: (الاختيار المرة القادمة صعب، زوجي السابق وأولادي هم الذين ساعدوني في موضوع التمثيل ودعموني جدا).