منذ 5 سنوات 
سميرة توفيق السباقة كانت اليوم في معايدة صديقتها فيروز وكتبت لها:
(من سميرة توفيق لفيروز العظيمة: بيوم عيدك اتمنى لك الصحة،العمر الجميل، الفرح، اتمنى لك ان تبقي وتبقي يا عظيمة الدنيا. صداقتنا الحلوة مكللة بالنبل، وما بتبعدنا الايام.. بيوم عيدك.. يا رب يحفظك وما يحرم الدنيا من طلتك،غالية القلب فيروز.. كل عام وانت الدنيا وانت جمالها. بحبك.)
وباتصال مع الست سميرة، الممتلئة بالحب وكثير من العنفوان قالت: “منقعد ومنضحك، روحها حلوي بتحب النكتة، وكلو ضمن الاصول، كلو كبير متلها، منحب كنا نحكي وقعداتنا حلوي عطاولة الأكل يكون سمبوسكي وكبي قراص وهيك الاكل الخفيف.. فيروز اكلها خفيف.. بس سفرتها حلوي أنا بحبا لما تتصل فيي تقلي انا ما فيي روح يلا تعي.. ونروح.. ايام حلوي بيناتنا وما انقطعت الاتصالات.. اول ما تسمع فيروز اني مريضة بتتصل اول مرة وتاني مرة فيها هالحب النبيل الكبير راقية العلاقة بيننا”
والاعلامية لينا رضوان ابنة شقيقة الست سميرة قالت: انا ما كنت شفت فيروز لو ما الزازا.. والست فيروز بتعطي أهمية لكل مين مع الزازا.. يعني هيك انسانة مبتسمة مضيافة حسب ما شفت.. قعداتن حلوي يا ريت صورتن.. ادي في صداقات كبيرة ونبيلة.. والاتصالات ما بتوقف بينن.
)
