سافر الفنان المصري مصطفى قمر مع زوجته الثاني غادة رزق، بعد طلاقه من زوجته الأولى وأم أولاده، إلى السعودية لأداء مناسك العمرة، ونشر صورته معها وارتدت الحجاب احترامًا لقدسية المكان.
نشر رسالة طويلة، وقال: “بصوا بقي الكرم بدأ من هنا من مصر لما صديقي واخويا وعشرة عمري حمادة عبد الرحمن قاللي هات باسبورك انت والمدام فيه عمرة كمان عشرة ايام وحاطلعك معايا قولتله طيب بكرة قاللي لا هات الباسبورتات النهاردة وكانت. اديته الباسبورتات بالليل وتاني يوم الصبح كان عندي تأشيرة انا ومراتي قبليه هو والاجمل بقي بعدها قاللي طالع معانا الاستاذ فريد الرائع وابنه عمر وحيقابلنا هناك الدكتور اشرف وزوجته المهم انا لما قابلت الاستاذ فريد اتشقلبت حياتي كلها من كتر ايمانه وكلامه ومساعدته ليا في العمرة والله”
وتابع: “اتعلمت منه حاجات كتير ربنا يكرمك يااستاذ فريد وربنا يخليك ياصديق العمر واخويا حمادة عبد الرحمن. الاهم بقي الكلمتين اللي جايين قولولي بالله عليكم لما تطلعوا عمرة وتبوسوا الحجر الاسعد وتصلوا في حجر سيدنا اسماعيل وتلمس الركن اليماني بايدك وتحط راسك علي جدار الكعبة لا ومش لوحدك انت ومراتك اللي بتحبك وعاملة زي امك وهي اصغر منك بكتير وبتوجهك علشان راحت قبل كدة وماسيبتش فرض الا وصليته قدام الكعبة وكمان صومتلك يومين تفتكر تبقي عايز حاجة تاني م الدنيا بيتهيألي حتبقي زاهد في اي حاجة الا انك تروح تاني ربنا يوعدكم جميعا دون استثناء وتعملوا زيي قريب جدا قولوا امين”
