نوال بري: إنتِ بتعرفي لي فليت من الجديد

على التويتر غردت الإعلامية نوال بري تعاتبني عقب نشرنا لخبر هشام حداد وكانت حادة لكنها صديقة وأحترمها: عزيزتي نضال الأحمدية يلي بقدرها وبحترمها.. بستغرب انو اتصلتوا لتسألو مذيع برنامج فكاهي بمؤسسة (تالتة) اذا قصدو انو انا طُردت من الجديد..اول شي أنا آخر وحدة ممكن تكون انطردت من الجديد وتاني شي بعتقد الشخص يلي عم تسألوه آخر شخص ممكن يجاوبكن عن سؤال انتو بتعرفو جوابه اصلا!

اقرأ: هشام حداد مارسيل غانم ونوال بري طُردا

اقرأ: هشام حداد: شو خص نوال بري

وعدنا نتصل بنوال من جديد وردت على هاتف آخر لم نكن نعرفه وحين سألتها قالت: “أنا رديت على نضال الصديقة لأنك بتعرفي لي فليت من الجديد لي الحكي إني طُردت

* لا انا لا أعرف لماذا تركت الجديد

– تركت على محبة ورغبتُ بالتغيير وهذا ما وجدته في الـ Mtv وأكيد لا أندم :لأني كتير مرتاحة” يمكن هيدا التغيير الي بدي ياه”

* لكن الـ MTV لا تتلاقى مع تطلعاتك السياسية؟

– لا أحد يعرف ما هي تطلعاتي وانا لا أحكي لأني إعلامية

* معك حق غلط أن يكون الإعلامي منحازاً لجهة معينة

– لا لا مش غلط أبداً.. بس بالنسبة الي ما في داعي يعرفوا تطلعاتي.. على كل حال أنا فاقدي الأمل..

* في أمل؟

– وين الأمل؟ ليتفقوا على حكومة.. لنشوف إذا رح يشتغلوا

* ما في حكومة.. ممكن تفلي من البلد

– كان عندي هيدا الاحتمال بس هلأ أنا مرتاحة بشتغلي مش بالبلد.. بس ما بتعرفي أي متى بفل!

كانت نوال بري قلقة وكأنها تحمل مسؤولية كل البلد فوق كتفيها وهي لا تزال صبية في أول عمرها.. اتفقنا أن نلتقي على جوار لا جردشة على الهاتف وأن تصرح هذه المرة وهي التي تهرب من المقابلات.

نضال الاحمدية – بيروت