منذ سنة قبل انتهاء مسلسل (للموت) ومع عرض الحلقة ما قبل الأخيرة، وجّهت الممثلة اللبنانية القديرة ورد_الخال رسالة إلى كل أبطال العمل وصنّاع ونجومه.
اقرأ: الله يستر من ماغي بو غصن وورد الخال اضافة مهمة
وتابعت: (نادين جابر، شكراً عكارما خلّيتيني عيش قصة كنت بس عم احضرها، واتشارك مع ابطالها لحظات ما رح انسيها عودة؟ ليه ما نقول كارما هي حظ حلو!.. فيليب يا فيليب البطل العين اللي ما بتشوف الا جمال بكل شي وبكل انسان شكراً انك عملت من كارما حالة .. جويل بيطار الجندية” المعروفة” بتنفيذ الشاردة والواردة، بكل اخلاص وتفاني وحب)
وأضافت ورد: (ماغي الساحرة ب سحَر، الصديقة والزميلة اللدودة! شغفك شغف كل شخص بيشبهك اعجابي فيكي عمرو سنين وزاد لما اشتغلنا سوا بنافسك بعشقك للمهنة، وبالصبر، وبالتحدي، ايه واكتر ورح نضل هيك لأنو موهبتنا اكبر من حرطقات المهنة.. دانييلا عشت وشفت متل ما بيقولوا تفانيك وجدّيتك جددولي حماسي لهالمهنة كأني بعدني مبلشة! فعلاً.. مهيار خضور، انت اضافة انسانية الي قبل المهنية شو كان حلو الشغل معك ع امل نلتقي بالمستقبل ع كل شي حلو متلك.. يامن التقينا بس بمشهد بس ما رح يُنتسى لقاءاتنا بالكواليس كانت كلها احاديث اعمق من البحر بالتوفيق دايماً)
اقرأ: ورد الخال نجمة رمضان ٢٠٢٣
وختمت: (الحكي عن كل ممثل ب للموت ما بيخلص ، والزغار والشباب اللي اتخضرموا بهالتجربة، منشوف حالنا فيكن اما الفنانين الكبار بخبرتهن دايماً منتعلّم منهن استاذ احمد الزين استاذ كميل سلامة، استاذ فايز قزق الست رندة كعدي وختام اللحام الست سحر فوزي، وكل الزملا بالعمل شو بدي قلكم ابدعتوا.. واخيراً وليس آخراً، تحية وشكر لكل صحافي واعلامي اعطى رأيو، لكل متابع ابدى اعجابو بكلام من القلب لكل زميل هنأني، لكل صديق اتصل، لكل شخص عبّر عن تقديرو .. هيدي كلها لحظات فرح وامتنان ..محبتي للجميع ومبروك النجاح والى الامام)
)
