عبّرت الممثلة السورية القديرة وفاء موصللي عن غضبها الشديد من المعاناة في سوريا خصوصًا من ناحية الصقيع وعدم توافر الكهرباء، والتقنين لساعات طويلة.
كتبت بغضب: “مو بس أنا عم بشتكي جيراني كلهم عم يعانوا من نفس القصة، وعنا كبار بالسن ومرضى وسقعااانيين، والله يحير ويعين أخوتنا يالي التقنين عندهم أكتر يتمنى الاهتمام”
وتابعت: “ملاحظة بتمنى الإهتمام من المسؤولين ان كانوا فايقين متلنا وعم يحسو بوجهنا”
ثم عادت وكتبت لمحطة الكهرباء والمسؤولين عنها: “نداء للمحطة، لو سمحتوا، بس تجي الرافعة ويتصلح العطل يلي مالنا ذنب فيه، بتمنى ماتعملو التقنين من ال 3 _ 6 لأنو بيصرلنا 9 ساعات بلاكهربا، وماحدا عندو رقمكم، والظاهر صعب ينحكى معكن مباشرة”
أضافت: “لوسمحتو لوسمحتو لاتطفوا الكهربا، عوضونا عن ساعات العطل وهاد حقنا، أول مرة بحكي مع إنو القصة تكررت مرات، بعرف إنو هي تداعيات الحرب، بس كمان بعرف إنو بشوية جهود ممكن تلافي الخطأ، وتحية لعمال الكهرباء الساهرين بس مو بإيدهم القرار، وشكرا”
