أجرت الفنانة المصرية يسرا_اللوزي، جلسة تصوير جديدة، نشرت بعض الصور منها، واستعرضت خلالها فترة حملها بطفلتها الثانية، لتتحدث عن مخاوف وقلق الأم في فترة الأمومة.
اقرأ: يسرا اللوزي الحامل تسأل زميلاتها السيدات! – فيديو
يسرا تعرضت لاننقادات من متابعيها الذين اعتبروا صورتها جريئة جداً، ولا تتناسب مع مجتمعنا الشرقي.
ردت اللوزي على هذا الهجوم قائلة:
(انا من كام سنة نزلت صور حلوة وقلت صباح الخير واتشتمت، والناس بتهاجم وتشتم وتعودنا على هجوم السوشيال ميديا وتعودنا على التعليقات السخيفة وتعودنا منردش عليها، لان لو لو هقعد أرد على أى حاجة عمرى ما هلحق أعيش حياتي).
وتابعت: (كنت أتمنى الناس تقرا المقال اللي نزل مع الصور وتفهم طبيعة الموضوع، قبل ما تهاجمني، الموضوع كان فنى أكتر من أى حاجة والسوشيال ميديا بقت كلها كذب فى كذب والناس كلها بتضحك على بعض، والواقع مش كده وكلنا بشر وفينا عيوب وكل الناس بتضحك على كل الناس والسوشيال ميديا مهمة ولكن أنا عندى معتقدات معينة ومش هتغير).
اختتمت حديثها قائلة: (بحب الناس تشوفني زي ما أنا بكل ابعاد شخصيتي، وحقيقي كان هدفي من الصورة أن الستات تفتخر بأمومتها وتتقبل شكلها في الحمل، أنا يحترم الجميع لكن مش من حق حد يشتم حد).
يسرا محقة فيما قالته، وصورها لم تكن مبتذلة ولا جريئة، بل عرضت حملها وتباهت به بطريقة جميلة، واعطت مثالاً للسيدات كي يحبن ويتباهن بشكلهن أثناء فترة الحمل.