أطلقت النجمة السورية سلاف فواخرجي، حملةً لصالح فقراء سوريا، سمتها (جسر) بدون أن تهاجم الحكومة السوريةـ وبدون أن توجه رسالةً للسيد الرئيس، كما فعل النجوم أيمن زيدان وشكران مرتجى وإمارات رزق، ولم تصف سلاف الحكومة السورية بتعابير قذرة كما فعلت الممثلة إمارات رزق. لمن لم يتابع قضية أيمن زيدان، شكران مرتجى وإمارات رزق فعلى الرابطين أدناه.
اقرأ: أيمن زيدان شكران مرتجى وإمارات رزق خسئتم يا طلاب الضوء
اقرأ: إمارات رزق لسوريا: يا بلا شرف
وقالت فواخرجي: ببلدنا الأزمات ماعم تخلص، واحتياجات الناس أكتر من القدرة عالاحتمال، خاصة بهالشتوية القاسية على سوريا، بس قد ماكان الوضع صعب وصعب كتير، ما لازم نوقف عن التفكير بغيرنا، ومو بس نفكر ونزعل ونتعاطف، لازم نعمل شي، وأكيد نحن قادرين نعمل أي شي ونساعد بعض، هيك تربينا، وهيك تعلمنا وتعودنا.. ما منشبع وغيرنا جوعان ولا مندفى وغيرنا بردان.
وتابعت سلاف فواخرجي طالبة بالتبرع للأطفال بدعم مالي أو بأي شيء يؤمن لهم الدفيء: كل واحد فينا قادر يقدم ويعطي، وقد ما كان هالشي بسيط، أكيد بيعمل فرق والفرق اللي منشوفوا صغير ممكن يكون كتير كبير عند بعضنا، لهيك فكرنا بمبادرة تكون من خلالها صفحة الفيسبوك #جسر بين اللي قادر يعطي وبين اللي بيستحق ياخد، كل حدا فينا، أشخاص، شركات، مؤسسات، اللي جوا أو برَا البلد.. كل مين قادر يساعد، يكتبلنا ونحنا منكون جسر بينه وبين اللي بيبعتلنا احتياجاته، او احتياجات ناس بيعرفهن سواء عالعام أو عالخاص.
وختمت سلاف قائلة: ناطرين تفاعلكم على مدى سبع أيام، لنشكل معكم جسر تواصل، جسر محبة وعطاء، والسعادة الحقيقية بتكمن بالعطاء، #جسر لسبع إيام من 19 لـ 25 كانون التاني 2.
سارة العسراوي – بيروت