يشهد مطار بيروت الدولي زحمة خانقة للمسافرين، واصطف المئات بإنتظار إستكمال الإجراءات القانونية، ولأسباب غير معروفة حتى الآن.
الفنانة اللبنانية نانسي عجرم تواجدت في مطار بيروت ووسط إزدحام بشري مخجل ومعيب جدًا بحق الوجه السياحي للبنان.
هذه المرة الأولى التي تتحدث فيها نانسي عن ما يشهده لبنان من مشاكل في المطار، وقالت: (أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟)
وتابعت أثناء احتجازها في مطار بيروت بسبب الإزدحام: (بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟ يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا رحية الزبالة بالمطار؟ والإهمال؟)
وختمت: (ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس.. هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ عيب عليكن)
https://www.instagram.com/p/BzeaCReAKmd/?igshid=2ls9acj5sm0
