نشر محمد إمام صورةً جديدةً له، وتحدّث عن تجاربه التي مر بها خلال السنوات العشر الأخيرة.
كتب: (كل عقد وأنتم طيبين.. ١٠ سنين عدوا على الواحد بحلوها و مُرها.. نجاحات وإخفاقات.. أوقات سعيدة وأيام كئيبة.. فرح على ألم.. ضحك على حزن.. ناس دخلوا حياتنا نوروها وناس مشيوا ضلموها وناس صمدوا معانا برغم كل الظروف.. أحلام اتحققت و أفكار اتثبتت.. أهداف تلاشت و أراء اتغيرت.. كرهت حاجات حبتها وحبيت حاجات كرهتها.. وصول للقمة مكنش سهل و الحفاظ عليه صعب.. وكل اللي كان نفسي فيه ومحصلش، الحياة طلعت احسن من غيره.. وكل اللي كنت فاكرة مش هيعدي اهو عدى).
تابع: (اهم حاجة اتعلمتها هي اني لسة هتعلم كتير.. واي حاجة ولو صغيرة حصلتلك في حياتك بتحضرك للحظة لسة جاية.. وأخيراً، مفيش حاجة مستاهلة زعل او فراق.. خلونا نقضي ايامنا واحنا جنب بعض و ساندين بعض).
أضاف: (كل سنة وانتم جميعاً طيبين.. وان شاء الله السنة دي أحلى من كل السنين).
محمد غالبًا ما يشارك تجاربه مع أصدقائه ومتابعيه وينشر صورًا من يومياته ويسرد المشاكل والأزمات التي يواجهها بطرافةٍ، ويسعى دائمًا لنشر الطاقة الإيجابية ويسعد الناس وينصحهم، لذا يعد من أفضل الفنانين المصريين الذين يستخدمون (السوشيال ميديا) بشكل إيجابي وموّجه ولم نره يومًا ينحدر أو يغتر أو يبتعد عن عفويته كغيره من المشاهير الذي فاجأونا بسلوكياتهم الشاذة والمستفزة والمصطنعة.
