اعربت الممثلة المصرية هيدي كرم، عن حزنها الشديد بعد وفاة كلبتها (ليلى)، التي عاشت معها ١٣ سنة متواصلة.
كتبت هيدي عبر صفحتها: (النهارده ودعت جزء كبير من ذكرياتي معاكي و انا بودعك …. عشتي معايا ١٣ سنه من ساعة ما كان عمرك ٤ شهور و لغاية اخر يوم في عمرك … لما دخلتي حياتنا كانت اسرتي الصغيرة المكونة من ابني و انا بتمر بظروف صعبه جداً … و من يوم ما جيتي جبتي معاكي طاقة حب و حنان ما تتوصفش … كنتى دايماً مصدر فرحه و راحه … طاعتك العمياء في كل شيء و حبك الغير مشروط كان بيبهرني و يبهر كل اللي يعرفك).
تابعت: (عزلنا و غيرنا بيوت كتير و كنتي اول واحده تتأقلم بدون عناء و لا مجهود مننا علشان ما تتعبيناش … لما كنتي بتشوفيني زعلانه كانت عنيكي بتنطق و نظراتك بتطبطب عليا …. احن و أطيب مخلوقه عرفتها … حبيتك من كل قلبي و اتعلمت منك معنى الطيبه و العطاء و الحنان … هاتوحشيني اوي يا ليلي يا كلبتي و بنتي و صاحبتي).
البعض سخر من هيدي واتهموها بالتفاهه، لكنها لم ترد على تلك التعليقات، وتجاهلتها كلها.
