عبر الفنان المصري أحمد_زاهر، عن سعادته بردود الأفعال، على دوره في مسلسل (لؤلؤ)، الذي يجسد فيه شخصية طارق نصار قائلاً: “سعيد جداً جدا بردود الافعال وفيه حاجه غريبة كل ماماشي في حتى الاقي الستات بتبصلي وتبتسملي أي ست تبصلي وتبتسم .. والدور جاي مع السيدات جداً جداً ورغم أن طارق شخصية شخصية بها عيوب لكن مافيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني؟”.
تابع في لقاء عبر برنامج (كلمة أخيرة)، الذي تقدمه المذيعة لميس الحديدي على شاشة “ON” قائلاً: “شخصية طارق مش شريرة ولا خبيثة بس هو رجل عملي “بيزنس مان” تربي في عائلة أرستقراطية جداً”.
واكمل: “في النهاية برضه من عيوب الشخصية أن “طارق” أناني وبيحب نفسه ويهمه إسمه قبل كل شيء وسمعته وشكله لكن عندما حب لؤلؤ تخلى عن كل شيء إيماناً بالحب”.
حول عنفه مع السيدات في المسلسل قال: “السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي، الصفعة الحقيقية كانت لنجلاء بدر في الحلقة الاولى ثم هيدي كارم كانت حقيقية.
اقرأ: معجزة حدثت مع أمل حجازي ونضال الأحمدية – فيديو
اقرأ: توقعات ميشال حايك كم يقبض وكيف يغش الناس – فيديو
ووجه إعتذرااً للفنانة هيدي كارم عن الصفعة قائلاً “عاوز أعتذرلها جداً هي طلبت تكون الصفعة حقيقية ولما ضربتها ال آه اللي طلعت منها في المشهد قطعتني من جوه ووشها ورم بعد الصفعة بعد كده الاستاذ محمد سامي قال بلاش ضرب بشكل حقيقي”.
اختتم: (أنا لو مكانها هاخد القلم بشكل حقيقي لان الضرب الحقيقي بيطلع إحساس كبير عشان الوجع بيخلي “ريكاشن” الممثل صادق وحقيقي وانا بضرب في المشهد ببقى مضايق جداً”.