أجرت الممثلة المصرية مي_عمر، جلسة تصوير جديدة، نشرت بعض الصور منها عبر السوشيال ميديا، وظهرت ترتدي فستان الزفاف الأبيض.
فاجأت مي الجميع بالتعليق الذي كتبته على الصورة في رسالة لزوجها المخرج محمد_سامي، قالت فيها: (هل تقبل بالزواج مني؟).
إقرأ: محمد سامي يحتفل بنجاح مي عمر!
البعض ظن أن مي وسامي انفصلا والآن تطلب منه العودة مرة أخرى، لكن هذا غير صحيح، وما كتبته مي مجرد تعليق عفوي تمازح زوجها به، لا أكثر ولا أقل.
مي وسامي من أجمل وأقوى قصص الحب في الوسط الفني، وهنا نذكر تفاصيل قصة حبهما:
روى المخرج محمد سامي، قصة زواجه من مي عمر، خلال استضافتهما في برنامج معكم، مع الإعلامية منى_الشاذلي، قائلاً: «عندنا قصة كبيرة جدًا، كنا مع بعض في الجامعة، وأنا مشيت بعد سنة وكنا صحاب جدًا لمدة 3 سنين، وبعدين حبيتها، وقررت أخطبها، بس مكنتش لسه محبتنيش».
وتابع خلال حديثه عن قصته هو وزوجته: «كان عندها دايما خوف من الارتباط، وقعدت عملت كل حاجة في الدنيا، زي أقولها إنتي فين، وأروحلها مع إني مببقاش في نفس المكان»
وأضاف: «قولتلها إديني رقم باباكي قالتلي لا، لمحته على موبايلها وحفظته، واتصلت بيه قولتله أنا محمد سامي مبشتغلش حاجة خالص وعايز أخطب بنتك».
«بعد يومين اتصلت بيه قولتله كلمتك من يومين أخطب بنتك ومردتش عليا»، بهذه العبارة واصل سامي حديثه، قائلًا: « لقيته جالي مكتبي ولقينا بعض في الهوايات، وروحنا زورنا بيتهم وخطبتها».
كما تحدث سامي عن كواليس العلاقة: «والدها شافني وأنا بتخانق ولقيته بيتصل بيا قالي عايز أزوركم وأرجعلك الشبكة، واتفسخت الخطوبة، قالي انت كويس جدًا بس مش لبنتي».
واستطرد محمد: «والدتي كانت شيفاني أحسن حد في الدنيا، قالتلي حبيبي بتهزر ولا إيه هما يحلموا، الموضوع منتهي مسمعش سيرتها تاني خالص، روحت رايح في يوم بعد 3 أشهر بحاول أعمل لماما كل حاجة، وروحت لوالدها في شركته في جاردن سيتي، وقولتله بالله عليك جوزهالي، وفسخنا الخطوبة 5 سنين».
