تحدث المخرج المصري محمد_سامي، عن علاقته بزوجته الممثلة المصرية مي_عمر، موضحاً أنه يشعر بالغيرة الشديدة عليها، لكنه في الوقت نفسه يرفض التدخل في اختيارها لملابسها.
قال سامي بتصريحاته:
(بحب مراتي تكون حلوة وتلبس اللي هي عايزاه، وأحب لما أخرج معاها تكون حلوة.. هعيش كام سنة يعني.. هي كمان كدا أنا مشتريتهاش، بس بغير عليها في كل لحظة.. لو بتتكلم مع حد حتى بغير عليها).
قصة حب مي عمر ومحمد سامي:
روى المخرج محمد سامي، قصة زواج من مي عمر، خلال استضافتهما في برنامج معكم، مع الإعلامية منى الشاذلي، قائلا: «عندنا قصة كبيرة جدًا، كنا مع بعض في الجامعة، وأنا مشيت بعد سنة وكنا صحاب جدًا لمدة 3 سنين، وبعدين حبيتها، وقررت أخطبها، بس مكنتش لسه محبتنيش».
وتابع «سامي» خلال حديثه عن قصته هو وزوجته مي عمر: «كان عندها دايما خوف من الارتباط، وقعدت عملت كل حاجة في الدنيا، زي أقولها إنتي فين، وأروحلها مع إني مببقاش في نفس المكان».
اقرأ: نجلاء بدر: لن أعمل مع محمد سامي بوجود زوجته
وأضاف: «قولتلها إديني رقم باباكي قالتلي لا، لمحته على موبايلها وحفظته، واتصلت بيه قولتله أنا محمد سامي مبشتغلش حاجة خالص وعايز أخطب بنتك».
«بعد يومين اتصلت بيه قولتله كلمتك من يومين أخطب بنتك ومردتش عليا»، بهذه العبارة واصل سامي حديثه، قائلًا: « لقيته جالي مكتبي ولقينا بعض في الهوايات، وروحنا زورنا بيتهم وخطبتها».
وكشف «سامي» كواليس العلاقة: «والدها شافني وأنا بتخانق ولقيته بيتصل بيا قالي عايز أزوركم وأرجعلك الشبكة، واتفسخت الخطوبة، قالي انت كويس جدًا بس مش لبنتي».
واستطرد محمد سامي: «والدتي كانت شيفاني أحسن حد في الدنيا، قالتلي حبيبي بتهزر ولا إيه هما يحلموا، الموضوع منتهي مسمعش سيرتها تاني خالص، روحت رايح في يوم بعد 3 أشهر بحاول أعمل لماما كل حاجة، وروحت لوالدها في شركته في جاردن سيتي، وقولتله بالله عليك جوزهالي، وفسخنا الخطوبة 5 سنين».