حلت الفنانة المصرية يسرا، ضيفةً على برنامج كلام نواعم عبر قناة Mbc 1، وتحدثت خلال اللقاء عن حياتها الفنية وبعض من تفاصيل حياتها الخاصة.
قالت يسرا: أنا بحب أكون سعيدة واستمتع بحياتي في كل ثانية وعمري ما فكرت أقول مينفعش أعمل كده علشان كبرت.
تابعت: بحترم السن اللي وصلتله، الناس هتقول إنتي بترقصي في أماكن وبتغني، طبعاً برقص وبغني أنا بحب انبسط وأرقص، وبحب الناس اللي معايا يكونوا مبسوطين، والعمر بالنسبة لي مجرد رقم.
اقرأ: يسرا تعلن شفائها: ممتنة لكل بني آدم دعا لي
اضافت: لم أشعر بالحزن لأنني لم أنجب أطفالاً، بل على العكس بحمد ربنا على ذلك.
استكملت: وأنا في التلاتينات كان عندي هاجس إني لازم أبقى أم لأني معطاءة بطبعي كنت هموت وأخلف، وبعدين حصل إني فقدت طفلين في زواجي الأول، وعندما تزوجت خالد اكتشفت أنه غير مرحب بفكرة الخلفة والأطفال، وقالي إنتي الست الوحيدة اللي أتمنى أخلف منها، لكن الزمن اللي هنخلف فيه على بال ما يكبر بعد 20 سنة هتبقى حياة مختلفة، مش هيشوفوا اللي احنا شفناه، هتبقى حياتهم أسرع وسطحية، وأنا مش عاوز أشوف عيالي كده، وأنا بعد فترة اقتنعت وبقول الحمد لله إني مخلفتش.
كما وجهت يسرا رسالة للسيدات حول فكرة تأخر الإنجاب، اوعوا تزعلوا من قدر ربنا، لأن منعه عطاء.