استضافت المذيعة المصرية منى_الشاذلي، في حلقة أمس الخميس 13 يوليو من برنامجها “معكم” المعروض على قناة CBC، الفنانة المصرية وفاء_عامر، وشقيقتها الفنانة أيتن_عامر.
عاتبت منى وفاء، بسبب تصريح سابق لها، عن أن الزوجة هي المسؤولة عن خيانة زوجها.
وقالت منى “تطلعي تقولي في التليفزيون: أصل لو جوزي خاني يبقى العيب فيا”، مضيفة “الكلام ده مينفعش يا وفاء”.
وعلقت شقيقتها الفنانة أيتن عامر مؤكدة انزعاجها أيضاً من هذا التصريح فقالت: “أنا اتخانقت معاها واتضايقت مع اللي اتضايقوا، لإن أي ست تحس إنها اتخانت مينفعش تقول أنا السبب، لإن مفيش سبب للخيانة، فيه إن حضرتك تيجي تقولي مش قادرين نكمل ولازم ننفصل وبعد كده تعمل اللي انت عايزه”.
وأضافت أيتن “رأيي نغير الموضوع لان كده هنتخانق مع بعض”.
أيتن انزعجت من تصريحات شقيقتها ولم تخجل أن تعارضها على الهواء، وتؤكد إن تلك التصريحات استفزتها كما استفزتنا جميعاً.
اقرأ: وفاء عامر: جوزي ما يقدرش يتجوز عليّ
كانت وفاء صرحت عبر برنامج “الستات” مع المذيعة سهير جودة والمذيعة مفيدة شيحة: “الراجل لو بص لغير مراته يبقى العيب فيها”.
تابعت: “لو راجل راح قال لمراته أنا عايز أتجوز.. تقوله إتجوز، لأن حتى لو كانت مكسورة ومبينتش وأظهرت أنها قوية هيرجعلها تاني .. وتوافق ترجع تاني ليه”.
اضافت: “لو الراجل بص لغير مراته، يبقى العيب فيها هي.. الإهتمام، فبعد سن معين، الست بيحصل عندها تغيرات كتير في حياتها .. لازم الست تراقب نفسها في شكلها ولبسها، وكل ما نكبر لازم نكون في حالة تطور مستمر ونبقى في مراحل جمالية أحلى”.
واستكملت عامر: “احنا مشاعرنا كستات بتشيخ مبكرا وبسرعة، إن لم تعمل دائما لهذه المشاعر مكياج”.
وأَضافت: “مش بشجع جوزي أو جوز صاحبتي إنه يخون.. لأ، ده مرفوض، وأنا من أنصار أن البيوت تظل مستورة بورقة الجواز والمشاعر والمودة والرحمة اللي ربنا أمرنا بها”.
وكنا في الجرس أول من انتقدنا تلك التصريحات في مقال بعنوان: