تذكرت النجمة السورية سلاف_فواخرجي، الشخصية الكرتونية المفضلة لها (الليدي أوسكار)، والتي كانت تتابعها في طفولتها.
سلاف تحدثت عن (الليدي أوسكار)، وتذكرت معها بقية الشخصيات الكرتونية التي كانت تتابعها أيضاً في طفولتها، وطلبت من محبيها معرفة أسماء الشخصيات الكرتونية المفضلة لديهم.
كتبت سلاف:
(الليدي أوسكار رقة أنثى وعنفوان رجل
تابعت: (ريمي وقصته الحزينة والعم فيتالس وجولي كور القرد اللي مات رغم انو ريمي شرب الحليب السخن ليضمه ويدفيه بس القدر كان اقوى للأسف، وماقدرت انساه
عدنان ولينا وقصة الحب الملحمية والتضحية أول ماعم نوعى عالدنيا ، وعبسي ونامق ، وأصوات الممثلين العراقيين والكويتيين والخليجيين اللي علمت فينا ومنشعر بالحنين الها ، بالأخص صوت فلاح هاشم
زينة ونحول الي كان عندي بلوزة بصورتهم ومازالت عندي
ميمونة ومسعود اللي كنت ارسمهم بحصة الرسم بما انو ميمونة مخلوق عجيب وآخد حيز من تفكيري
اضافت:
(السندباد البحري ورحلاته وعلي بابا وياسمينة، وسنان ورفقاته والحيوانات اللي عندها اخلاق وعطف وعطاء، وفلونة وعيلتها وعذابهم وسالي كمان، بس كانوا يزيدوها اوقات بالمعاناة عفوا يعني، والسيدة ملعقة، والسنافر، وشرشبيل بصوت جوزيف نانو الله يرحمه طم طم اللذيذ، هايدي وحلاوتها وشقاوتها ورجليها ال مبطبطين، ولولو الصغيرة وطبوش ومغامراتهم وجودي وصاحب الظل الطويل اللي بحبه لانو ماما كانت بتحبه وفلينستون كان حلو وذكي وكارتون كتير بحبه كمان اسمه Barbapapa كان رووووعة والتأكيد دايما على مفهوم العائلة بوجي وطم طم اللي أدى أدوارهم هالة فاخر الرائعة ويونس شلبي شو كنت بحبه الله يرحمه جزيرة الكنز اللي غنى شارتها العظيم سامي كلارك “ها نحن ذا” وحافظينها وبنعشق صوته).
اختتمت كلامها:
(المناهل وربيع شهاب وغسان مشيني وهشام يانس وكل الممثلين الرائعين عبير عيسى وأمل دباس وكلهم بدون استثناء وشخصية أبو الحروف أطول من المدة وأقوى من الشدة وكتيير قصص كارتون أثرت والها حيز كبير بطفولتنا وتربيتنا ومخزونا ووجداننا، أما عن أوسكار الها شي بقلبي مختلف، مابيشبه شي، بصراحة كنت دايما حسها انا وحس حالي هي ولهيك كنت اقعد ابكي بالساعات.. واللحظة اللي لبست فيها الفستان، حسيت بالانتصار لروح الانثى والمرأة اللي قادرة تكون كل الشخصيات معا وبنفس المستوى.. وتوهب القوة والحب سوا.. وتكون الليدي سلاف_فواخرجي، خلونا نتشارك بال كارتون المفضل عندكم، اكتبولي، وشو اللي اثر فيكم وبحياتكم، وشو اللي ممكن تعيدوه وتحضروه من جديد؟).
