تلتزم النجمة المصرية شيرين عبد الوهاب بالحجر المنزلي بسبب انتشار فيروس كورونا، وتمضي وقتًا جميلًا مع زوجها وابنتيها وهذه المرة الأولى التي لا تغادر فيها منزلها بداعي السفر أو الحفلات أو الإنشغالات كما كانت قبل.
قالت شيرين إن فترة كورونا كانت ايجابية، وقربتها من الصلاة بعدما كانت تؤديه كفرض واجب لا أكثر، وحين كات تقرأ الآيات تقرأها بسرعة ولا تفهمها.
وقالت: (أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا.. ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة “الرحمن الرحيم” هو فعلا رحمن وحنين وأحلى حاجة في الدنيا. زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي)
وتابعت: (أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده)
