حذرت الفنانة المصرية مي_عمر، من شخص ينتحل شخصية زوجها المخرج محمد_سامي، ويستغل اسمه في النصب على المواطنين الباحثين عن الشهرة في الوطن العربي.
اقرأ: نجلاء بدر: لن أعمل مع محمد سامي بوجود زوجته
مي قالت أنه تم اتخاذ الإجراءات القانونية للقبض على هذا الشخص في أسرع وقت.
وكتبت مي عبر صفحتها: “في شخص منتحل شخصية المخرج محمد سامي وبيبعت لناس كتير داخل وخارج مصر وبيتصل بيهم من أرقام غريبة وبيدعي أنه عايز صورهم وفيديوهات ليهم عشان أعمال فنية، مرة في لبنان ومرة في السعودية ومرة العراق ومرة المغرب، ده نصاب خدوا بالكوا وتم اتخاذ الإجراءات القانونية ضده وهيتم القبض عليه قريب”.
قصة حب مي عمر ومحمد سامي:
روى المخرج محمد سامي، قصة زواج من مي عمر، خلال استضافتهما في برنامج معكم، مع الإعلامية منى الشاذلي، قائلا: «عندنا قصة كبيرة جدًا، كنا مع بعض في الجامعة، وأنا مشيت بعد سنة وكنا صحاب جدًا لمدة 3 سنين، وبعدين حبيتها، وقررت أخطبها، بس مكنتش لسه محبتنيش».
وتابع «سامي» خلال حديثه عن قصته هو وزوجته مي عمر: «كان عندها دايما خوف من الارتباط، وقعدت عملت كل حاجة في الدنيا، زي أقولها إنتي فين، وأروحلها مع إني مببقاش في نفس المكان».
اقرأ: نجلاء بدر: لن أعمل مع محمد سامي بوجود زوجته
وأضاف: «قولتلها إديني رقم باباكي قالتلي لا، لمحته على موبايلها وحفظته، واتصلت بيه قولتله أنا محمد سامي مبشتغلش حاجة خالص وعايز أخطب بنتك».
«بعد يومين اتصلت بيه قولتله كلمتك من يومين أخطب بنتك ومردتش عليا»، بهذه العبارة واصل سامي حديثه، قائلًا: « لقيته جالي مكتبي ولقينا بعض في الهوايات، وروحنا زورنا بيتهم وخطبتها».
وكشف «سامي» كواليس العلاقة: «والدها شافني وأنا بتخانق ولقيته بيتصل بيا قالي عايز أزوركم وأرجعلك الشبكة، واتفسخت الخطوبة، قالي انت كويس جدًا بس مش لبنتي».
واستطرد محمد سامي: «والدتي كانت شيفاني أحسن حد في الدنيا، قالتلي حبيبي بتهزر ولا إيه هما يحلموا، الموضوع منتهي مسمعش سيرتها تاني خالص، روحت رايح في يوم بعد 3 أشهر بحاول أعمل لماما كل حاجة، وروحت لوالدها في شركته في جاردن سيتي، وقولتله بالله عليك جوزهالي، وفسخنا الخطوبة 5 سنين».